अघिल्लो वर्षको तुलनामा यस वर्ष वन विभागको गैर–टिम्बर वन उपज महाशाखामा हर्बल अबिरको माग उल्लेख्य बढेको छ । रंगहरुको पर्वको महिना चलिरहेको छ । होली नजिकिदै छ । त्यसैले यस वर्ष पनि वन विभागले हर्बल अबीर बजारमा ल्याउन लागेको हो ।
पछिल्लो पटक ३.९ क्विन्टल बिक्री भएको थियो ।जसबाट वन विभागले ४६ हजार रुपैयाँ आम्दानी गरेको छ । यसपटक करिब साढे सात क्विन्टल अबिर उत्पादन भएको छ । वन विभागले राम्रो आम्दानीको अपेक्षा गरेको छ ।मंगलबार डिएफओ एसपी शर्माले हर्बल अबिरको जानकारी दिए ।
वन विभागले पहेंलो, हरियो र सुन्तला गरी तीन रंगमा अबिर बजारमा ल्याइरहेको छ । सुन्तला र पहेँलो अबिर मुख्यतया गाँउको फूलबाट र हरियो अबिर बेलको पातबाट बनाइन्छ भने २५० ग्राम अबिरको मूल्य ५० रुपैयाँ र ५०० ग्राम अबिरको मूल्य ९० रुपैयाँ रहेको छ ।
