बलिउड फिल्म उद्योगमा यस्ता कैयौं अभिनेत्री छन्, जसले आफ्नो करियरका लागि वैवाहिक जीवनलाई नै त्यागे । जसमा मल्लिका शेरावत, डिम्पल कपाडियालगायतका ठूला नाम छन् ।
फिल्म ‘बबी’बाट बलिउडमा पाइला चालेकी अभिनेत्री डिम्पल कपाडिया एक फिल्मपछि रातारात स्टार बनिन् । उनले यो समय अभिनेता राजेश खन्नासँग विवाह गरेकी थिइन् । राजेशले डिम्पललाई फिल्मबाट टाढिन र परिवारतिर ध्यान लगाउन भनेका थिए ।
त्यसपछि केही समयका लागि डिम्पलले फिल्मबाट अलग्गिएर गृहस्थी जीवन बिताइन् । तर उनले पुनः फिल्ममा पाइला चाल्ने प्रयास गरिन्, जुन कामलाई राजेशले विरोध गरे । त्यसपछि डिम्पलले फिल्मका लागि घर नै छोडिदिइन् ।
सन् ७० को दशककी लोकप्रिय अभिनेत्री राखीले सन् १९७३ मा गीतकार गुलजारसँग विवाह गरेकी थिइन् । गुलजारले आफूसँग विवाह गरेपछि फिल्ममा काम नगर्न राखीसँग शर्त राखेका थिए । राखीले केही वर्षसम्म त शर्त मानिन् । तर उनले सन् १९७४ मा गुलजारलाई छोड्ने निर्णय लिइन् । त्यसपछि उनी पुनः फिल्ममै फर्किइन् ।
अभिनेत्री चित्रांगदा सिंहले फिल्ममा आउनु अघि बाल्यकालको साथ गोल्फर ज्योति रंधावासँग विवाह गरेकी थिइन् । ज्योति चित्रांगदा आफ्नो परिवारका साथ दिल्लीमा बसुन् भन्ने चाहन्थे । तर चित्रांगदा आफ्नो करियर बनाउन चाहन्थिइन् । त्यहीकारण उनले सन् २०१४ मा सम्बन्धविच्छेद गरेर फिल्मी अभिनयमा ध्यान दिइन् ।
अभिनेत्री विमी आफ्नो विवाहलाई जीवनकै ठूलो गल्ती मान्छिन् । उनको करियर उनका पतिको गलत निर्णयले बिग्रिएको थियो । त्यसपछि उनले पतिलाई छोडिन् । यद्यपि त्यो समय उनका लागि ढिलो भइसकेको थियो । उनी फिल्मी दुनियाँबाट एकाएक गायब भइन् । आर्थिक अवस्था खराब भएपछि उनले आफूलाई वेश्यावृत्ति पेशामा संलग्न गराइन् ।
फिल्म ‘मर्डर’मा बोल्ड दृश्य दिएर चर्चामा आएकी अभिनेत्री मल्लिका शेरावत रातारात बलिउडमा चर्चित अनुहार बनिन् । उनी फिल्ममा आउनुअघि विवाहित थिइन् । तर उनका पति करण गिल उनलाई फिल्ममा अभिनय गराउन चाहदैन थिए । यहीकारण एक वर्षपछि उनले पतिसँग सम्बन्धविच्छेद गरिन् र मुम्बई आइन् ।
