बलिउड अभिनेत्री सोनम कपुर र उनका पति आनन्द आहुजाको दिल्लीको घरमा चोरी भएको छ । उनीहरुको घरबाट चोरहरुले १ करोड ४१ लाख भारु बराबरका गरगहना र नगद चोरेका छन् । यस विषयमा प्रहरीले एफआईआर दर्ता गरेको छ । सोनमको नयाँ दिल्लीस्थित अमृता शेरगिल मार्गमा बनेको यो घरमा सोनमका ससुरा हरीश आहुजा, सासू प्रिया आहुजा र आनन्दकी हजुरआमा सरला आहुजा बस्छन्। सोनमकी सासूले यस विषयमा तुघलक रोड प्रहरी चौकीमा उजुरी दिएकी छिन् र यो सम्पूर्ण विषयमा उनका स्टाफसँग छलफल भइरहेको छ । दिल्ली प्रहरीले चोरहरूलाई पक्रन टोली पनि बनाएको छ। यससँगै दिल्ली प्रहरीले घरका २५ कर्मचारी, ९ केयरटेकर, चालक, माली र अन्य कर्मचारीसँग सोधपुछ गरिरहेको छ । म्यानेजर तुघलक रोड प्रहरी चौकी पुगे सोनमकी सासू सरला आहुजा र म्यानेजर रितेश गौरा चोरीको उजुरी गर्न २३ फेब्रुअरीमा तुघलक रोड प्रहरी चौकी पुगेका थिए । प्रहरीमा उजुरी दिँदै सरला आहुजाले कोठाको अलमिराबाट १ करोड ४० लाख रुपैयाँका गरगहना र १ लाख नगद चोरी भएको बताएकी छन् । उनले दुई वर्षअघि कपाटमा गहना रहेको तर फागुन ११ गते जाँच गर्दा गरगहना र नगद हराइरहेको बताए । प्रहरीले यस विषयमा एफआईआर दर्ता गरेर अनुसन्धान सुरु गरेको छ । प्रहरीले नजिकैको सीसीटीभी फुटेज पनि स्क्यान गरिरहेको छ र फोरेन्सिक टोलीको सहयोग लिने सोचमा छ । यो कुरा निकै पुरानो भइसकेको तर अहिले यो कुरा बाहिर आउन थालेपछि छिट्टै चोर पक्राउ पर्ने प्रहरीको विश्वास छ । सोनम र आनन्द भने मुम्बईमा बस्छन्। एबीपी
