जलपाईगुडी जिल्लाको बनेरहाट चिया बगानका मजदुरहरूले तलबको माग गर्दै आज विरोध प्रदर्शन गरे। बनेरहाट चिया बगानका कर्मचारी र उप-कर्मचारीहरू विरोध आन्दोलनमा संलग्न छन्। उनीहरुले करिब दुई सातादेखि तलब नपाएपछि भोलिदेखि ठूलो आन्दोलन गर्ने चेतावनी दिएका छन् ।
कारखानाका कर्मचारीले पनि करिब २ महिनादेखि तलब नपाएको आरोप छ । १५ देखि १७ गतेसम्म तलब पाउने सहमति भएको थियो । तर कार्यान्वयन भने हुन सकेको छैन । कागजमा ११ महिनादेखि पीएफको पैसा काटिए पनि बैंक खातामा जम्मा हुन नसकेको आरोप पनि छ ।
त्यसको विरोधमा बनेरहाट चिया बगानका कर्मचारी र उपकर्मचारीले कारखाना प्रबन्धकको कार्यालय अगाडि धर्ना दिएर विरोध प्रदर्शनमा भाग लिएका छन् ।तर, चिया बगानका पदाधिकारी भने यस विषयमा मुख खोल्न चाहँदैनन् । बनेरहाट चिया बगानका मजदुर आजाद गोस्वामीले बुधबार समस्या समाधान नभए बनेरहाट, चुनावटी चिया बगानलगायतका धेरै चिया बगानका मजदुर हडतालमा जाने चेतावनी दिएका छन् ।
