पर्यटकका लागि वन खुला, जंगल सफारी सुरु

तीन महिनाको लागि बन्द रहेपछि, डुअर्स अभयारण्य र आरक्षित वन शुक्रबारदेखि पर्यटकहरूको लागि खोलियो। वन खुलेको पहिलो दिन बिहान ७ बजे डुअर्सको गरुमारा जंगलमा जङ्गल सफारीका लागि पर्यटकको भीड लागेको थियो। प्रत्येक वर्ष असार १६ गतेदेखि गरुमारा, चपरामरी, जल्दापारालगायतका विभिन्न वन पर्यटकका लागि बन्द हुने गरेको छ ।किनकी मनसुन सिजन वन्यजन्तुको प्रजनन सिजन हुने भएकाले जंगल बन्द रहन्छ। यस अवधिमा कोही पनि जंगलमा प्रवेश गर्न र जंगली जनावरसँग छेडछाड गर्न नपरोस् भनेर तीन महिनासम्म वन बन्द राखिन्छ। अर्कोतर्फ पुजाअघि नै डुअर्सका विभिन्न होटल र रिसोर्टमा पर्यटक बुकिङ आउन थालेका छन्। तीन महिनापछि पुजाको सिजनमा राम्रो व्यापार हुनेमा पर्यटन व्यवसायी आशावादी छन्।