Sexual Exploitation

भारतीय सर्वोच्च अदालतले यौन शोषणसँग सम्बन्धित एउटा मुद्दामा उच्च अदालतले गरेको एउटा विवादास्पद फैसला उल्टाइदिएको छ। गत ज्यानुअरीमा मुम्बई उच्च अदालतकी एक महिला न्यायाधीशले एक पुरुषलाई पीडित बालिकासँग "निर्वस्त्र सम्पर्क नभएको" भन्दै उन्मुक्ति दिएकी थिइन्। सो फैसलाको सर्वत्र विरोध भएको थियो। अधिकारकर्मी र कानुनविज्ञहरूले उक्त फैसलाले "डरलाग्दो नजिर" कायम गर्ने भन्दै त्यसलाई उल्टाउन सर्वोच्च न्यायानलयसँग अनुरोध गरेका थिए। सो फैसलाले बालबालिकालाई यौन दुर्व्यवहारबारे बोल्न निरुत्साहित गर्ने तर्क उनीहरूको थियो। सन् २०१६ डिसेम्बरमा एक ३९ वर्षीय पुरुषलाई एक १२ वर्षीया बालिकासँग यौन दुर्व्यवहार गरेको आरोप लागेको थियो। पीडिताकी आमाले ती अभियुक्तले आफ्नी छोरीलाई फकाइफुल्याई घरमा बोलाएर उनको स्तन समातेको र उनको…