kuwait

कुवेतका अमिर शेख सबाह अल-अहमद अल-सबाहको निधन भएको सरकारी सञ्चारमाध्यमले जनाएका छन्। उनी ९१ वर्षका थिए।उनका ८३ वर्षीय सौतेनी भाइ युवराज शेख नवाफ अल-अहमदलाई मन्त्रिपरिषद्ले उनका उत्तराधिकारीका रूपमा घोषणा गरेको छ। गत जुलाईमा शेख सबाह उपचारका लागि अमेरिका गएका थिए। उनको अवस्थाबारे त्यसबेला कुवेतमा स्पष्ट जानकारी दिइएको थिएन। उनले कुवेतमा सन् २००६ देखि शासन गरेका थिए र करिब ५० वर्षदेखि कुवेतको परराष्ट्र मामिला हेरेका थिए।