Kushinagar

भारतको उत्तर प्रदेशस्थित कुशीनगरमा इनारमा खसेर १३ जना जनाको मृत्यु भएको छ । इनारमा राखिएको ‘स्ल्याब’ भाँचिदा १३ जनाको मृत्यु भएको हो । मृत्यु हुनेमा महिला र बालबालिकाहरू रहेको छ । कुशीनगरको नौरङ्गियामा विवाह समारोहका लागि एकै ठाउँमा जम्मा भएका बेला इनारमाथि राखिएको स्ल्याब भाँचिदा २ महिला र १२ ज बालबालिकाको मृत्यु भएको हो । स्थानीय गाउँमा परमेश्वर कुशवाहाको घरमा हुन लागेको विवाहको कार्यक्रममा एकै ठाउँमा जम्मा भएका बेला बिहान करिब ८ बजेतिर दुर्घटना भएको गोरखपुर रेन्जका एडीजी अखिल कुमारलाई उद्धृत गर्दै बीबीसी हिन्दीले लेखेको छ । भारतीय प्रधानमन्त्री नरेन्द्र मोदीले ट्विट गर्दै दुर्घटनामा मृत्यु हुनेहरूप्रति श्रद्धाञ्जली व्यक्त गर्दै घाइतेहरूलाई शीघ्र स्वास्थ्यलाभको कामना गरेका छन् ।