प्रधानमन्त्री नरेन्द्र मोदीको ७१औं जन्मदिनको अवसरमा आउँदो महिना गुजरातको ७१०० गाउँहरुमा रामधुन’ को आयोजना गरिने छ यी गाउँहरु रामधुनबाट प्रतिध्वनित हुनेछन् । प्रधानमन्त्री मोदीको जन्मदिन सेप्टेम्बर १७ मा छ। यस दिन भाजपाको राज्य इकाईले यो अनौठो कार्यक्रम गर्न जाँदैछ । गुजरात भाजपा प्रदेश अध्यक्ष सीआर पाटिलले भने, सेप्टेम्बर १७ मा राज्यको गाउँहरुमा रामधुन आयोजना गरिनेछ । पाटिलले भने, सेप्टेम्बर १७ मा साँझ ७ बजे गुजरातको ७,१०० गाउँहरुमा राम धुन कार्यक्रम आयोजना गरिनेछ । यस अवसरमा प्रत्येक श्रमिकलाई प्रत्येक बूथ क्षेत्रका कम्तीमा ५० जना व्यक्तिको फोनमा ङ्कनमो एप डाउनलोड गर्न भनिएको छ ।
पाटिलले भने, यस बाहेक प्रत्येक कार्यकर्तालाई क्षेत्रको १० जना व्यक्तिलाई प्रधान मंत्री बीमा सुरक्षा योजना संग जोड्न भनिएको छ । पाटिलले भने, अक्टोबर ९ मा नरेन्द्र मोदी पहिलो पटक गुजरातको मुख्यमन्त्री बनेका थिए र ९ अक्टोबर २०२१ मा यसको २० वर्ष पूरा हुँदैछ । प्रधानमन्त्री मोदीको जन्म १७ सेप्टेम्बर १९५० मा गुजरातको एउटा सानो शहर वडनगरमा भएको थियो । उनी देशको पहिलो प्रधानमन्त्री हुन्, जो स्वतन्त्रता पछि जन्मेका थिए ।
मोदीले आफ्नो राजनैतिक जीवन १९७२ मा आरएसएसमा सामेल भएर शुरू गरेका थिए । मोदी १९८७ मा भाजपामा सामेल भए। १९९५ मा पार्टीको राष्ट्रिय सचिव र १९९८ मा राष्ट्रिय महासचिव बने । उनी तीन पटक गुजरातका मुख्यमन्त्री थिए । २००१ मा उनी पहिलो पटक गुजरातको मुख्यमन्त्री बने। २०१३ मा भाजपाले उनलाई प्रधानमन्त्री पदको उम्मेदवार घोषणा गरेको थियो २०१४ को लोकसभा चुनाउमा भाजपाले उनको नेतृत्वमा २८२ सिट जित्यो र मोदी प्रधानमन्त्री बने । यस पछि २०१९ को चुनाउमा भाजपाले ३०० भन्दा अधिक सीटहरु जित्यो । उनी लगातार दोस्रो पटक प्रधानमन्त्री बनेका हुन् ।
