भारतको छत्तीसगढ र तेलंगानाको सीमामा दुई राज्यको संयुक्त अभियानका क्रममा ६ माओवादी मारिएका छन्। भारतीय प्रहरीका अनुसार यस इलाकामा अहिले पनि कारबाही जारी छ र प्रहरीले मृतकको संख्या बढ्ने आशंका जनाएको छ। तर, मारिएकाहरु माओवादी हुन् या होइन् भन्ने यसको स्वतन्त्र रूपमा पुष्टि भएको छैन। बस्तर रेन्जका प्रहरी आईजी सुन्दरराज पीले भने, 'तेलंगानाको ग्रे-हाउण्ड दस्ताका साथ मिलेर छत्तीसगढको डिस्ट्रिक्ट रिजर्व प्रहरी र सीआरपीएफले माओवादी विरुद्ध विशेष अप्रेशन चलाएको थियो। यसक क्रममा सोमबार भएको भिडन्तमा ठूलो संख्यामा माओवादी मारिएका र घाइते भएका छन्।' प्रहरीका अनुसार छत्तीसगढको सुकमा जिल्लाको किस्ताराम क्षेत्रमा ४०-५० जना माओवादी उपस्थितको सूचना पाइएपछि एक दिन पहलाबाट संयुक्त अप्रेसनको योजना बनाइएको थियो।
