अन्ततः यात्री वाहक वाहन सम्बन्धी विषयमा सुधार आउने सङ्केत देखिएको छ। लामो प्रतीक्षापछि पहाड़ र समतल क्षेत्रबीच यात्री वाहक वाहनको सङ्ख्या बढ़ाउने नीति सम्बन्धी निर्णयमा सिक्किम र पश्चिम बङ्गाल राज्य सहमत भएका छन्। बुधवार राज्य अतिथि गृहमा दुवै राज्यबीच भएको पारस्परिक सम्झौता सम्बन्धी बैठकमा वाहन परमिट सङ्ख्या बढ़ाउने सहमति भएको हो।
अहिलेसम्म पश्चिम बङ्गालबाट सिक्किम र त्यहाँबाट यहाँ आउजाउ गर्न 3000 परमिट जारी गरिन्थ्यो। नयाँ निर्णयअनुसार अब त्यो सङ्ख्या 4500 पुर्या0उने सम्भावना छ। यसलाई सिक्किमका यातायात सचिव राज यादवले स्पष्ट पारेका छन्। यादवले भने, पहिलेको तुलनामा अहिले पर्यटकहरूको सङ्ख्या धेरै बढ़ेको छ जसको कारण वाहनहरूको माग पनि बढ़ेको छ। त्यसैले परमिट सङ्ख्या वृद्धि गरिँदैछ। साथै राज्य परिवहन सेवा (स्टेट क्यारेज) को सङ्ख्या पनि बढ़ाइनेछ। साथै अल इण्डिया परमिट भएका वाहनहरूलाई सिक्किम प्रवेश गर्न अब नयाँ राज्य परमिट आवश्यक नपर्ने तिनले बताएका छन्। बैठकमा पश्चिम बङ्गालका तर्फबाट उपस्थित यातायात मन्त्री स्नेहाशीष चक्रवर्तीले भने कुनै टिप्पणी गरेनन्। सिलगढ़ीका मेयर गौतम देवले भने, सबै पक्षबारे छलफल गरिएको छ। अब यो प्रस्ताव सरकारसमक्ष प्रस्तुत गरिनेछ। त्यसपछि पारस्परिक सम्झौताको अन्तिम चरणमा प्रवेश गर्नेछ।
