बलिउड अभिनेता सलमान खान अभिनित ‘टाइगर ३’ दीपावलीको शुभ अवसरमा (नोभेम्बर १२) हलमा रिलिज भएको छ भने फिल्मले पहिलो दिन बक्स अफिसमा ४० करोड रुपैयाँ कलेक्सन गरेको छ । चलचित्रले बक्स अफिसमा राम्रो व्यापार गरिरहेको छ र दर्शकलाई शो हेर्नको लागि आकर्षित गर्न सफल भएको छ ।
हालै ‘टाइगर ३’ को स्क्रिनिङका क्रममा अधिकांश फ्यानले सिनेमा हलभित्र पटाका जलाए र उक्त घटनाको भिडियो सामाजिक सञ्जालमा भाइरल भई सुरक्षाको चिन्ता बढ्दै गएको छ ।
अभिनेता सलमान खानले अन्ततः घटनाको बारेमा आफ्नो मौन तोडेका छन् र सबैलाई सुरक्षित रहन आग्रह गरेका छन्। सलमान खानले एक्समा लेखेका छन्, “मैले टाइगर ३ को समयमा थिएटरभित्र आतिशबाजीको बारेमा सुनिरहेको छु। यो खतरनाक छ। आफू र अरूलाई जोखिममा नराखी फिल्मको मजा लिऔं। सुरक्षित रहनुहोस्।”
