वन सडकलाई लाटागुडी–चाल्सासम्म फराकिलो बनाइने, त्यसका लागि टोपोग्राफी सर्वेक्षण सुरु भएको छ। गोरुमारा राष्ट्रिय निकुञ्ज, लाटागुरी हुँदै म्यानागुरीदेखि चाल्सा जाने बाटो फराकिलो बनाइनेछ। जलपाईगुडी जिल्लाको डुअर्स हुँदै जाने राष्ट्रिय राजमार्ग यसअघि नै विस्तार भइसकेको छ र मेटेली प्रहरी चौकी अन्तर्गतको चपरामारी अभयारण्यको छेउछाउको क्षेत्र हुँदै चीनको सीमामा रहेको डोकलामसम्म पुग्नको लागि विशेष मार्ग बनाइएको छ।
म्यानागुरीदेखि लाटागुडीसम्म जङ्गल हुँदै सडक विस्तार गर्न टोपोग्राफी सर्वेक्षणको पहिलो चरणको काम धमाधम भइरहेको छ। यस सम्बन्धमा सर्भे कार्यका लागि खटिएका साइट इन्जिनियर सौरभ पालले भने, ‘यो सर्भेको काम पूरा गर्न करिब पाँच दिन लाग्ने छ, हाल चाल्शादेखि मैनागुडीसम्मको दूरी ७ मिटरबाट १० मिटरमा पु¥याउँदैछौँ ।
