कुचबिहारको तुफानगञ्ज ब्लक नम्बर २ मा रहेको भानुकुमारी नम्बर १ ग्राम पञ्चायतको बरालाकुटी क्षेत्रका बासिन्दाले नदीमा बाँध निर्माणको माग गर्दै भोट बहिष्कारको आह्वान गरेका छन् । बृहत्तर बरालकुठी क्षेत्रमा वर्षेनी बाढी आउने गरेको यस क्षेत्रका बासिन्दाले लामो समयदेखि गुनासो गर्दै आएका छन् ।
प्रशासनलाई पटकपटक जानकारी गराएपछि गत वर्ष बाँध निर्माणको काम सुरु भए पनि १५ सय मिटर बाँध निर्माण भएपछि अप्रत्याशित कारणले काम रोकिएको थियो । अहिले यही बरालकुठी क्षेत्रका बासिन्दा फेरि बाढीको डरले दिन बिताइरहेका छन् ।
त्यसैले बाँध निर्माणको काम सुरु गर्न माग गर्दै स्थानीयले शनिबार मतदान बहिष्कारको आह्वान गरेका छन् । छिट्टै बाँध निर्माण नभए बरालकुठी क्षेत्रका सबै सरकारी विद्यालय बन्द गर्ने गाउँवासीले चेतावनी दिएका छन् ।आंगनवाडी केन्द्र र अन्य शैक्षिक संस्था बन्द गरेर आन्दोलनमा सहभागी हुने धम्की दिएका छन् ।
