अभिनेता रणबीर कपूर मंगलबार ३९ वर्षको पुग्दैछन्। उनको जन्म सन् १९८२ को सेप्टम्बर २८ मा भएको थियो।
आफ्नो ३९ औँ जन्मदिन आउनै लाग्दा रणबीर प्रेमिका आलिया भट्टसँग जोधपुर पुगेका छन्। जोधपुर एयरपोर्टमा उनीहरु साथ हिँडेको देखिएको हाे। उनीहरु आफैले तस्बिर सामाजिक सञ्जालमा साझा गरेका छन्।
सन् २०१८ देखि प्रेममा रहेको यो जोडीको जोधपुर यात्रालाई घुमघामका रुपमा मात्रै लिइएको छैन। आलिया भट्ट र रणबीर कपूर योपल्टको जोधपुर यात्रा विवाहको लागि ठाउँ हेर्नका लागि भएकाे अनुमान गरिएको छ।
यी दुईको विवाहको चर्चा केही समय अगाडिदेखि बलिउडमा हुने गरेको छ। तर आधिकारीक रुपमा कसैले पनि यस बारेमा बताएका छैनन्।
गएकाे वर्ष रणबीर आफ्नो ३८ औँ जन्मदिन परिवारको साथमा मनाएका थिए। आलियाले साझा गरेको तस्बिरमा रणबीर आमा नितु र दिदी रिद्धिमाको साथमा देखिएका थिए।
