लोकसभा चुनावको पहिलो चरणको मतदान हुन आठ दिन बाँकी छ । निर्वाचनको मिति नजिकिदै गर्दा राजनीतिक दलहरुको चुनावी प्रचारप्रसार तिब्र बन्दै गएको छ । अर्कोतर्फ, केन्द्रीय बलको जुत्ताको आवाज जलपाईगुडी सहरदेखि ग्रामीण इलाकासम्म पनि बढिरहेको छ।
एकातिर केन्द्रीय सेनाले रुट मार्च गरिरहेको छ भने अर्कोतर्फ केन्द्रीय सेनाका जवानहरु घरदैलोमा गएर मतदान कार्यक्रममा सहभागी भइरहेका छन् । निर्वाचन आयोगको निर्देशनबमोजिम जेष्ठ र अपाङ्गता भएका मतदाताको घरघरमै मत हाल्ने काम भइरहेको छ । वृद्ध र अशक्त मतदाताहरू आफ्नो मताधिकार प्रयोग गर्न निकै उत्साहित देखिन्छन्।
बुधवार जलपाईगुडी सदर ब्लकमा घर-ढोका मतदान कार्यक्रम जारी रहनेछ।यसअघि बिहान ८ बजे केन्द्रीय सेनाका जवानहरू सदर बीडीओ कार्यालयमा भेला भएका थिए र त्यहाँबाट उनीहरूले निर्वाचन आयोगका अधिकारीसहित गाउँ–गाउँ गएर मतदान प्रक्रियामा सहयोग गर्नेछन् । सेख अब्दुल रउफ नामक केन्द्रीय सेनाका सिपाहीले जलपाईगुडीमा सबै कुरा शान्तिपूर्ण रुपमा चलिरहेको बताए । हालसम्म कुनै अवरोधको रिपोर्ट आएको छैन।
