मदिरा पार्टीका क्रममा भएको झगड़ाको कारण कुटपिट गरी एक व्यक्तिको हत्या गरिएको छ। घटना बाघडुग्रा थानाअन्तर्गत पुटीमारीको शिमुलतला क्षेत्रमा भएको हो। मृत व्यक्ति नाम निखिल लोहार (47) हो। 31 दिसम्बरर नयाँ वर्षको पूर्व सन्ध्याको राति स्थानीय एक मैदानमा केही युवाहरू पिकनिक गरिरहेका थिए। उमेरले अन्यभन्दा धेरै ठूला भए पनि निखिल पिकनिकमा सहभागी भएका थिए। त्यही समयमा विवाद उत्पन्न भएपछि स्थानीय बिटु साहानी, नितेश कुमारसहित केही व्यक्तिहरूले निखिललाई निर्दय रूपमा कुटपिट गरेका आरोप छ। पछि राति लगभग बाह्र बजीतिर स्थानीय केही व्यक्तिहरूले घाइते अवस्थाका निखिललाई उद्धार गरी घर पुर्यागए। मृत निखिलका छोरा असितले भने, बाबाको मुखबाट निरन्तर रगत बगिरहेको थियो। हामीले बाबालाई उत्तर बङ्गाल मेडिकलमा भर्ना गर्यौँो। शनिवार बाबाको मृत्यु भयो।
आरोपअनुसार, पुलिससमक्ष उजुरी दिए पनि तिनीहरूलाई रिसिप्टको प्रतिलिपि दिइएन र जाँच पनि आरम्भ गरिएन। बाबाको मृत्यु भएपछि आमाले हत्या आरोपसहित उजुरी लिएर जाँदा मात्र पुलिसले उजुरी लिन बाध्य भयो। मृत निखिलकी पत्नी अष्टमीले भनिन्, मेरो श्रीमान् अस्पतालमा भर्ना रहँदा आरोपीहरू घर आएका थिए। तिनीहरूले मिलापत्र गर्न बारम्बार दबाउ दिए। पछि श्रीमानको मृत्युको खबर पाएपछि आरोपीहरू क्षेत्रबाट भागे। डीसिपी राकेश सिंहले भने, आन्तरिक झगड़ाका क्रममा एकजनाको मृत्यु भएको हो।
