नागाल्याण्ड सरकारले राज्यमा ‘युनिभर्सल लाइफ इन्स्योरेन्स कभरेज’ (सीएमयूएलआईएस) शुरू गर्न टाटा एआईए लाइफ इन्स्योरेन्ससँग साझेदारी गरेको छ। यस कार्यक्रम अन्तर्गत १८ देखि ६० वर्ष उमेर समूहका परिवारका प्राथमिक कमाउने सदस्यलाई रु. २ लाखको जीवन बीमा उपलब्ध गराइनेछ।
योजनाले असंगठित क्षेत्रमा कार्यरत वा न्यून आय भएकाहरू सहित समाजका कमजोर वर्गहरूलाई आर्थिक सुरक्षा प्रदान गर्ने लक्ष्य राखेको छ। बीमा प्रिमियमको खर्च राज्य सरकारले बेहोर्ने छ। यस पहल बारेमा टिप्पणी गर्दै नागाल्याण्डका मुख्यमन्त्री श्री नेफ्यू रियोले नागाल्याण्डका जनतालाई जीवन बीमा पहुँचयोग्य बनाउन टाटा एआईएसँग सहकार्य गर्न पाउँदा प्रसन्नता व्यक्त गरे। यस कार्यक्रमले धेरै परिवारको आर्थिक समृद्धि सुनिश्चित हुने उनको विश्वास छ।
टाटा एआईएको नेतृत्व, प्रबन्ध निर्देशक र सीईओ श्री भेन्की अय्यर र अध्यक्ष तथा प्रमुख वितरण अधिकारी श्री जिलानी बाशाले यस ऐतिहासिक योजनाको हिस्सा हुन पाउँदा स्वयं सम्मानित भएको मनशाय व्यक्त गरे। नागाल्याण्डमा लगभग ३.५ लाख मानिसहरूलाई जीवन बीमा कभरेज प्रदान गर्न राज्य सरकारसँग काम गर्ने आफ्नो प्रतिबद्धतालाई अधिकारीहरूले पुष्टि गरे।
