पश्चिम बंगाल राज्यका कृषि तथा मार्केटिङ मन्त्री स्वतन्त्र प्रभार भएका बेचराम मन्नाले थर्मोकोलको प्रयोगलाई लिएर कडा चेतावनी दिएका छन्। उनले आज सिलगढी नियन्त्रित बजारमा थर्मोकोलमा प्रतिबन्ध लगाएको घोषणा गर्दै आगामी १५ दिनभित्र यो निर्णय कार्यान्वयन गर्न व्यापारी र प्रशासनलाई निर्देशन दिए ।
उनले राज्य सरकारले सिलगढीको नियन्त्रित बजारलाई सजाउने योजना बनाएको पनि बताए। यो उत्तर बंगालको सबैभन्दा ठूलो होलसेल बजार भएकोले राज्य सरकारले यसको सुरक्षा सहित सबै पूर्वाधार सुधार गर्ने निर्णय गरेको छ। यसै सन्दर्भमा मन्त्री बेचराम मन्नाले मेयर गौतम देव, उपमेयरलगायत प्रशासनिक अधिकारीसँग उच्चस्तरीय बैठक गरेका थिए ।
बुधवार सिलगढी सर्किट हाउसमा रञ्जन सरकार पनि उपस्थित थिए।बैठकपछि मन्त्रीले सिलगढी रेगुलेट मार्केटलाई सजाउन पहल गरेको बताए। यति मात्र होइन, पूर्वाधार सुधारका साथै यस बजारको सुरक्षाका लागि सीसी क्यामेरा जडान गरिने छ । उनले बजारमा थर्मोकोलको प्रयोगमा प्रतिबन्ध लगाउन निर्देशन दिए । आगामी १५ दिनभित्र यो निर्देशन कार्यान्वयन गरिने उनले बताए । यो नियम कसैले उल्लंघन गरेमा कानुनबमोजिम कारबाही गरिने उनले बताए ।
