लोकप्रिय अमेरिकी बक्सर माइक टाइसनले भारतीय सिनेमामा अभिनयको शुरुवात गरेका छन् ।
उनी प्यान इन्डिया स्पोर्टस एक्शन फिल्म ‘लिगर’ मा अभिनय गर्दैछन्, जसमा हिरोको भूमिकामा विजय देवररकोन्डा देखिँदैछन् ।
फिल्ममा माइक टाइसन एउटा महत्वपूर्ण र शक्तिशाली भूमिकामा देखिने भएका छन् ।
उक्त फिल्मलाई पुरी जगन्नाथले निर्देशन गर्दैछन् ।
माइक टाइसन र विजय देवरकोन्डोले फिल्मको महत्वपूर्ण दृश्यहरुको छायांकन अमेरिकामा गरेका छन् ।
फिल्मसंग सम्बन्धित स्रोतका अनुसार फिल्मको महत्वपूर्ण दृष्यलाई माइकले भव्य तरिकाले गरेका छन् ।
यसेबीच, फिल्मको एउटा त्यस्तो फोटो बाहिरिएको छ, जसमा टाइसन र विजय हाँस्दै गरेको देखिन्छ ।
लिगरमा विभिन्न विदेशी लडाकु पनि समावेश छन् ।
सम्पूर्ण कनेक्ट्सको सहयोगले फिल्मको निर्माण बलिउडका प्रमुख प्रोडक्शन हाउस धर्मा प्रोडक्शनद्वारा संयुक्त रुपले गरिँदैछ ।
फिल्म ठुलो बजेटमा बन्न लागेको छ, जसमा धेरै कुराहरु भारतीय फिल्ममा पहिलो पटक देख्न पाइन्छ ।
यो फिल्म हिन्दी, तेलुगु, तमिल, कन्नड र मलयालम भाषामा बनाइनेछ ।
फिल्मको छायांकन अन्तिम चरणमा पुगेको छ ।
यो फिल्म २०२२ मा प्रदर्शन हुनेछ ।
