मेधवी स्किल्स युनिभर्सिटी (एमएसयू) ले १२ सेप्टेम्बर २०२३ मा सिक्किमको मनन केन्द्रमा अन्तर्राष्ट्रिय रोजगारका लागि स्किल हब (शाइन) को उद्घाटन गर्यो। सिक्किमका मुख्यमन्त्री प्रेमसिंह तामाङको उपस्थितिमा आयोजित यो कार्यक्रम विश्वविद्यालय र राज्यका लागि महत्वपूर्ण माइलस्टोन हो।
शाइन, एमएसयू र सिक्किम सरकारबीचको साझेदारी हो, जसको उद्देश्य सिक्किमका युवाहरूलाई सीप-एकीकृत उच्च शिक्षा र अपस्किलिंग प्रदान गर्नु, उनीहरूलाई विदेशी गतिशीलताको लागि तयार पार्नु र उनीहरूको क्षमताहरू विश्वव्यापी कार्यबलको मागअनुरूप छ भन्ने सुनिश्चित गर्नु हो, जसले गर्दा उनीहरूको अन्तर्राष्ट्रिय रोजगारक्षमता मा वृद्धि हुनेछ। सिकुनमा शाइन प्रोजेक्ट सेन्टर र तोपाखानीमा मेधावी पोलि डायग्नोस्टिक सेन्टरको भर्चुअल समारोहमा उद्घाटन गरिएको थियो।
मेधावी स्किल्स युनिभर्सिटीले जर्मनी, अष्ट्रेलिया, जापान र फिलिपिन्सका रोजगारदाता र व्यावसायिक संस्थाहरूसँगको सहकार्यमा विदेशी भाषा, सांस्कृतिक अनुकूलन र विशिष्ट रोजगार क्षेत्रहरूको लागि प्राविधिक दक्षताहरूमा व्यापक प्रशिक्षण प्रदान गर्नेछ। मेधावी स्किल्स युनिभर्सिटीका सह–संस्थापक तथा प्रो–चान्सलर कुलदीप शर्माले भने, ‘हामी यहाँ अन्तर्राष्ट्रिय अवसरका लागि ढोका खोल्न र सफलताको मार्गलाई उज्यालो पार्न आएका छौं । असीम उत्साहका साथ हामी सिक्किमलाई उच्च शिक्षाको हब बनाउने यो दृष्टिकोणलाई अँगालेका छौं, जहाँ आकांक्षाहरूको कुनै सीमा छैन।
