सडकमा उँड्ने धुलोका कारण स्थानीयवासी वाक्क-दिक्क छन्। जीर्ण सडक मर्मतको माग गर्दै स्थानीयवासीले सडक अवरुद्ध गरेका छन्। जलपाईगुडी-मोहितनगर, झाबरी मोड , नवापाडा, रायपाडा क्षेत्रको अवस्था अति दयनीय छ। सडक मर्मतको काम सुरु भएपनि लामो समयदेखि सडकको काम पूरा हुन नसकेको आरोप छ। जसका कारण सडकको धुलोका कारण स्थानीयवासीदेखि स्थानीय पसल तथा बटुवाहरु सास्तीमा परेका छन्। आक्रोशित जनताले सडक अवरुद्ध गरी विरोध प्रदर्शन गरेका छन्। जलपाईगुडी इलाका ट्राफिक पुलिस घटनास्थल पुगेर स्थिति नियन्त्रणमा लिएको थियो।
