जलपाईगुडी जिल्ला किसान मोर्चाका सदस्यहरूले उर्वरकको कालोबजारी विरुद्ध सशक्त आन्दोलन सुरु गरेका छन्। आन्दोलनरत किसानहरूले तृणमूल नेताहरूको भ्रष्टाचारका कारण आम किसानले मल नपाएको आरोप लगाएका छन् । यसको विरुद्धमा सोमबार जलपाईगुडी सहरमा किसानहरूले विरोध र्याली निकालेर कृषि विभागको अगाडि विरोध प्रदर्शन गरेका थिए। मलको कालोबजारी र भ्रष्टाचारमा ठूलो संख्यामा तृणमूल नेताहरू संलग्न रहेको संगठनका नेताहरूले आरोप लगाए।
उनले प्रत्येक राज्यमा केन्द्र सरकारले समयमै मल उपलब्ध गराउँदै आएको तर भ्रष्टाचारमा संलग्न तृणमूल नेताहरूको कालोबजारीका कारण जलपाईगुडी जिल्लाका किसानले समयमा मल नपाएको आरोप लगाए । जसका कारण किसानले ठुलो नोक्सानी बेहोर्नु परेको छ ।आन्दोलनमा आएका किसानहरुले मल बिक्रेताहरुसंग तृणमूल कांग्रेसका नेताहरुको गोप्य सम्झौताका कारण आम किसानले मल नपाएको आरोप लगाएका छन् ।
उनले प्रत्येक जिल्ला र वडामा सहकारी केन्द्र रहेको बताए । कृषकहरु त्यहाँ गएपछि मल नभएको बताउँछन् । जलपाईगुडी जिल्ला किसान मोर्चाका अध्यक्ष नकुल दासले राज्य सरकारको कृषक बन्धु योजना किसानहरूलाई समस्यामा धकेल्ने योजना भएको बताए। जसका कारण सिङ्गो प्रदेशका किसान उपेक्षित छन् । सोमबार जलपाईगुडी जिल्ला किसान मोर्चाका सदस्यहरूले मलको कालोबजारीको विरोधमा जलपाईगुडीको कृषि विभाग बाहिर विरोध प्रदर्शन गरेका थिए।
