साउथ स्टार पुनीत राजकुमारको निधन भएको छ । ४६ वर्षीय पुनीतको हृदयघातबाट निधन भएको भारतीय सञ्चारमाध्यमले जनाएका छन् । शुक्रबार बिहान जिम क्लबमा जिम गर्दागर्दै उनलाई एक्कासि हृदयघात भएको बताइएको छ ।
हृदयघातपछि उनलाई बैंग्लोरको विक्रम अस्पताल भर्ना गरिएको थियो
बालकलाकारका रूपमा करिअर सुरु गरेका पुनीतले झण्डै १२ फिल्ममा बाल कलाकारको भूमिका निर्वाह गरेका छन् । पछि उनी कन्नड फिल्ममा सबैभन्दा महँगा अभिनेता बनेका थिए ।
पुनीत कन्नड फिल्मका सुपरस्टार डा. राजकुमारका छोरा हुन् । उनको निधनका कारण साउथ इण्डियन फिल्म इण्डस्ट्री शोकाकुल बनेको छ ।
