यसपटक जिल्लाका ग्रामीण भेगमा पनि डेंगुको प्रकोप देखिएको छ । जानकारी अनुसार जलपाईगुडी सदर ब्लक अन्तर्गत पहारपुर ग्राम पञ्चायत अन्तर्गत पटकाटा कालोनी क्षेत्रमा डेंगु फैलिरहेको छ। एकै घरका दुई जना डेंगुबाट ग्रसित भएर निजी नर्सिङ होममा उपचार गराइरहेका छन् । शुक्रबार पहारपुर ग्राम पञ्चायतका उपप्रमुख बेनु रञ्जन सरकारले थप दुई जनामा डेंगुको संक्रमण देखिएको बताए । यसबारे चिन्ता बढ्दै गएको छ । नालाको फोहोर सफा गर्ने र माइकमार्फत सचेतना सन्देश दिने पहल भइरहेको छ ।
ग्रामीण क्षेत्रमा पनि डेंगुको प्रकोप बढ्दै गएको छ
