बलिउडकी चर्चित अभिनेत्री हुन् दीपिका पादुकोण । पछिल्लो समय उनी एकपछि अर्को फिल्ममा व्यस्त हुँदै गइरहेकी छिन् । अहिले उनको महाभारत’, ‘फाइटर’ लगायतका फिल्मको चर्चा छ ।
हालै दीपिका बारे नयाँ खबर बाहिरिएको छ । उनले फेरि एक हलिउड फिल्ममा काम गर्ने भएकी छिन् । यसअघि हलिउड फिल्म एक्सएक्सएक्समा काम गरेर चर्चा कमाइसकेका दीपिका फेरि नयाँ फिल्ममा देखिने भारतिय मिडियामा बताइएको छ ।
अमेरिकाको फिल्म निर्माण कम्पनी ‘एसटिएक्स फिल्म्स्’ ले दीपिकालाई लिएर एक रोमान्टिक-कमेडी फिल्म बनाउने तयारी गरेको छ ।
यस कम्पनीका मोसन पिक्चर ग्रुपका अध्यक्ष एडम फोगेलसनले दीपिका भारतबाट आएकी ग्लोबल स्टार भएको बताउदै एक रोमान्टिक-कमेडी फिल्म निर्माण गर्न लागेको बताए । करीब ४ वर्षपछि हलिउड फिल्ममा काम गर्न पाउँदा दीपिका निकै उत्साहित भएकी छिन् ।
