भारतमा कोरोनाबाट पछिल्लो २४ घन्टामा एकै दिन ६ सय ४८ जनाको मृत्यु भएको छ । यो संख्या पछिल्ला केही दिनयताकै धेरै हो । अघिल्लो दिन कोरोनाबाट तीन सय ५४ जनाको मृत्यु भएको थियो ।
भारतमा अहिलेसम्म कोरोनाबाट चार लाख ३५ हजारको मृत्यु
भारतभर पछिल्लो २४ घन्टामा साढे ३७ हजार संक्रमित भेटिएकोमा सबैभन्दा बढी अर्थात २४ हजार दुई सय ९६ संक्रमित केरेला प्रान्तमा देखिएका छन् । भारतमा हालसम्म तीन करोड २५ लाखलाई कोरोना संक्रमण भएको छ । अहिलेसम्म कोरोनाबाट ४ लाख ३५ हजारको मृत्यु भइसकेको छ । खोप अभियानलाई तीब्र पारे पनि नयाँ भेरियन्टका कारण नियन्त्रणमा समस्या भएको छ ।
कोरोनाबाट केरलापछि महाराष्ट्र, तमिलनाडु, कर्नाटक, आन्ध्रप्रदेश र तेलंगना सबैभन्दा बढी प्रभावित छन् । पछिल्लो २४ घन्टामा राजधानी नयाँ दिल्लीमा एक सय ५१ नयाँ संक्रमित भेटिएका छन् ।
भारतमा केही दिनअघिको तुलनामा संक्रमितको संख्या घटिरहेको छ । आगामी अक्टोबरमा भारतमा कोरोनाको तेस्रो लहर उच्च बिन्दुमा पुग्ने प्रक्षेपण गरिएको छ ।
