बिहारमा जातीय जनगणनाले राजनीतिक रंग लिएको छ । यसै विषयमा बिहार विधान सभाका विपक्षी नेता तेजस्वी यादवले मुख्यमन्त्री नितिश कुमारलाई निशाना बनाएका छन् । उनले नितिशलाई जातको आधारमा जनगणना नगर्ने आरोप लगाए किनभने उनी आरएसएसको काखमा बसेका छन् । सम्पूर्णतया संघको चोला लगाएका छन्।
तेजस्वीले उनलाई राज्यको हितसँग कुनै सरोकार नभएको बताए । शुक्रबार साँझ तेजस्वी यादवले बिहार विधानसभाबाट दुई पटक जातीय गणना गर्ने प्रस्ताव पारित भइसकेको अवस्थामा सर्वदलीय बैठक बोलाउनुको औचित्य के रहेको बताए । अब राज्य सरकारबाट यस सम्बन्धमा आदेश दिनुपर्छ । उनले भने, हामी मुख्यमन्त्रीको ठाउँमा भएको भए सर्वदलीय बैठक किन बोलाउने हो । राज्य सरकारले जातीय जनगणना आफैँ गर्ने मात्रै घोषणा गछौं ।
यसै क्रममा जातिय जनगणनामा राष्ट्रिय जनता दल बिहारका अध्यक्ष जगदानन्द सिंहले भने, नितिश ज्यू नआत्तिनुहोस् । सार्वजनिक रूपमा कहिलेकाहीं तपाईं टाढा जानुहुन्छ तर हामी सार्वजनिक रूपमा भन्छौं कि तपाईं ठूलो भएपछि तपाईं एक्लो महसुस गर्नुहुन्न । अर्कोतर्फ जनता दल युनाइटेडका राष्ट्रिय उपाध्यक्ष उपेन्द्र कुशवाहाले जातीय जनगणनाका लागि हामीले चालेको कदम अझै बढ्दै जाने बताए ।
