North Bengal - Purbottar Nepali

09 May

नेपाल-भारत सीमाबाट तिब्बती नागरिक पक्राउ

Piyali PoddarNorth Bengal

खुल्ला भारत-नेपाल सीमामा कठोर निगरानीको व्यवस्था गरिएको छ। यसैबीच खोरीबारी पुलिसले अवैध रूपमा नेपाल प्रवेश गरिरहेको आशङ्कामा एकजना तिब्बती नागरिकलाई पक्राउ गरेको छ। पक्राउ पर्ने व्यक्तिको नाम लेण्डुप दिछेन हो। पक्राउ परेका व्यक्तिलाई शुक्रवार दिउँसो सिलगढ़ी महकुमा न्यायालय प्रस्तुत गरियो। भारत-नेपाल सीमाको खोरीबारी डङ्गुजोत क्षेत्रमा सीमामा गस्ती गर्ने क्रममा बिहीवार साँझ एसएसबीका जवानहरूले आरोपी तिब्बती नागरिकलाई पक्राउ गरेका हुन्। एसएसबी सूत्रअनुसार तिब्बती नागरिक भारतबाट अवैध रूपमा मेची नदी पार गरेर नेपाल प्रवेश गर्न खोजिरहेका थिए। तिनीसित भारतीय आधार कार्ड र प्यान कार्ड छ। तर तिब्बती नागरिकसित नेपाल प्रवेश गर्न आवश्यक अनुमति थिएन। तिनको स्पष्टीकरणमा विसङ्गतिहरू पनि पाइयो। एसएसबीले तिनलाई पक्राउ…

05 May

आत्मनिर्भर बन्दै गिद्ध पहाड़

Piyali PoddarNorth Bengal

गिद्ध पहाडको भ्यू पोइण्टअघि सानो पसल खोल्दै गीता भारती एकपछि अर्को गर्दै नेपाली संस्कृतिको झझल्को दिने कपड़ाहरू बाहिर निकाल्दै थिइन्। गीताकी बहिनी वर्षा त्यो बेला कुर्सीहरू मिलाउन व्यस्त थिइन्। वर्षाले भनिन्, “यिनै कुर्सीहरूमा हामी यी कपड़ाहरू सजाउनेछौँ।” बाटोको अर्को किनारमा रहेको रेस्टुरेण्टमा अर्चना थापा मोमो बनाउन थालिसकेकी थिइन्। भ्यू पोइण्टतर्फ हेर्दै तिनले भनिन्, “मध्यान्हतिर पर्यटकहरू आउँछन्। तिनीहरूको मन प्रसन्न पार्न मोमो चाहिन्छ।” अर्चनाको भनाइ जस्तै मध्यान्ह हुँदै जाँदा भ्यू पोइण्टमा पञ्जाबबाट मानसी सिंह, रूपेश सिंहहरू पुगे। भ्यू पोइण्टमा उभिएर तिनीहरू बालासन, मेची नदी हेर्न थाले। तब अर्चनाहरूको पसलमा भीड़ बढ्न थाल्यो। केवल भावुक स्वरमा अनीशा तामाङले भनिन्, “गत तीन वर्षमा…

25 Apr

सिमाना भ्यू पोइण्टमा पर्यटकहरूको आगमनमा वृद्धि

Piyali PoddarNorth Bengal

पहाड़मा पर्यटन मौसम आरम्भ भइसकेको छ। पर्यटकहरूको आगमनमा व्यापक रूपमा वृद्धि भएर गएको देखिन्छ। सुकेपोखरीअन्तर्गत भारत नेपाल सीमावर्ती क्षेत्रमा अवस्थित गोलीटार भ्यू पोइण्ट सिमाना बजारमा पर्यटकहरूको आगमन यसपालि धेरै भइरहेको एलटी शेर्पाले बताए। शेर्पाअनुसार सिमानाको एकमात्र पर्यटन केन्द्र गोलीटारमा प्रत्येक दिन सयभन्दा अधिक पर्यटकहरू आइरहेका छन् जसको कारण खुद्रा व्यापारीहरूको आय पनि वृद्धि भएर गएको छ। प्राकृतिक सम्पदाहरूले भरिभराउ गोलीटार स्थानीय बेरोजगारहरूको निम्ति वरदान बनेको शेर्पाले बताए। बाहिबाट हेर्दा साधारण देखिने गोलीटार भ्यू पोइण्टबाट कञ्चनजङ्गा, चित्रे गुम्बा, मानेभञ्ज्याङ बजार, सन्दकफू, फालुटसितै नेपालको इलाम, सोमवारे आदि स्थानहरूको रमणीय दृश्य अवलोकन गर्न सकिने तिनले बताए। यहाँबाट देखिने प्राकृतिक मनोरम दृश्यहरूबाट आनन्द उठाउन…

24 Apr

चियाबारीबाट चितुवाको शव उद्धार

Piyali PoddarNorth Bengal

चियाबारीबाट एउटा चितुवाको शव फेला परेको छ। यस घटनापछि खोरीबारीको बतासी क्षेत्रमा ठूलो हलचल मच्चिएको छ। बिहीवार बिहान बतासीको पान्ताबारीस्थित एउटा निजी चियाबारीमा चिया पत्ती टिप्ने क्रममा श्रमिकहरूले मृत चितुवा देखेका हुन्। प्राप्त जानकारीअनुसार 10-12 जना श्रमिकरू चिया पत्ती टिपिरहेका थिए। पहिले चितुवाको पुच्छर देखेपछि तिनीहरू आतङ्कित भए। त्यसपछि तिनीहरूले कुहिएको अवस्थामा रहेको चितुवाको शव फेला पारे। तुरन्तै घटनास्थलमा ठूलो सङ्ख्यामा जिज्ञासु मानिसहरूको भीड़ भेला भयो। साथै वन विभागलाई पनि त्यसबारे खबर गरियो।टुकुरियाझार वन विभागका कर्मचारीहरू घटनास्थलमा आइपुगे अनि चितुवाको शव उद्धार गरी पोस्टमर्टमका लागि बेङ्गल सफारीमा पठाए। वन विभागको प्रारम्भिक अनुमानअनुसार यो वयस्क चितुवाको मृत्यु लगभग 4-5 दिनअघि भएको…

16 Apr

प्राकृतिक अर्किडको संरक्षणमा जेएस साङपाङ राई

Piyali PoddarNorth Bengal

मिरिक महकुमाअन्तर्गत थर्बु नन्दलाल गाउँ निवासी उद्यमी फूल कृषक जेएस साङपाङ राईले प्राकृतिक अर्किडलाई संरक्षण गर्दै आइरहेका छन्। लामो समयदेखि फूल र सागसब्जी खेतीलाई व्यावसायिक रूपमा अँगालेका राईको नर्सरीमा अहिले लगभग एक हजार प्राकृतिक अर्किडहरूले ढकमक्क फुलेका छन्। यी प्राकृतिक अर्किडहरूलाई हालसम्म बिक्री नगरे पनि यदि कोही ग्राहक आए बिक्रीबारे विचार गर्ने राईले बताएका छन्। राईले बताएअनुसार एक समय सबैले प्राकृतिक अर्किड नै रोप्ने गर्थे। तर क्लोन र हाइब्रिड अर्किडको उत्पादन हुन थालेपछि धेरैले प्राकृतिक अर्किड रोप्न छोड़िसकेका छन्। यसकारण आफूले यसको महत्त्व बुझेर आजसम्म प्राकृतिक अर्किडको संरक्षण गरिरहेको तिनी थप बताउँछन्।अहिले धेरै मानिसहरूले प्राकृतिक अर्किड खोज्न थालेका जानकारी गराउँदै…

11 Apr

प्राचार्य पाठशाला आउँदा शोकजको सम्मुखीन प्राथमिकका प्रधान शिक्षक

Piyali PoddarNorth Bengal

नेताजी इण्डोर स्टेडियमबाट मुख्यमन्त्री स्वयंले रोजगार गुमाएका शिक्षकहरूलाई स्कूल-स्कूलमा स्वयंसेवकका रूपमा योगदान गर्न आह्वान गरेकी थिइन्। तर अर्कातिर धूपगुड़ीको गादों 2 जुनियर बेसिक स्कूलका प्रधान शिक्षक अब्दुल सत्तार भने विद्यार्थीहरूलाई कक्षा लिनका लागि एकजना कलेज प्रिन्सिपललाई बोलाएको आरोपमा शो–कजको सम्मुखीन बनेका छन्। स्कूल शिक्षा विभाग र जिल्ला प्राथमिक विद्यालय संसदको ध्यानाकर्षण भएपछि उक्त प्राइमरी स्कूलका प्रधान शिक्षकलाई लिखित उत्तर दिन बताइएको छ। प्रधान शिक्षक सत्तारले भने, "उच्च अधिकारीहरूले मलाई जे-जे सोधेका छन् सबै कुराको विस्तृत रूपमा लिखित उत्तर दिएको छु। म यसबारे सार्वजनिक रूपमा केही भन्न चाहन्नँ।"यो घटना गत 4 अप्रेलदेखि आरम्भ भएको हो। धूपगुड़ी गर्ल्स कलेजका प्राचार्य डा. विजय…

11 Apr

वर्षापछि राङभाङ सड़कको बेहाल आवस्था

Piyali PoddarNorth Bengal

बिहीवार दिनभरि परेको वर्षाले मिरिक थर्बु चियाबारी कारखानामुनि चेक पोष्टबाट राङभाङ विष्णुधाम पर्यटन केन्द्रसम्म जाने सड़कको अवस्था बेहाल बनेको छ। यो सड़क प्रधानमन्त्री ग्राम सड़क योजनामार्फत निर्माण गरिएको हो। मरम्मतीको अभावमा यो सड़क जीर्ण रहेको थियो भने वर्षापछि जताततै पानी जमेर हिलाम्मे बनेको सड़कमा गाड़ी कुदाउन सकिने स्थिति छैन। यस्तो स्थितिमा चालकहरूलाई समस्या भइरहेको छ। सड़कमा जतासुकै ढुङ्गाको सोलिङ उप्किएको अनि खाल्डाहरू भएको कारण पानी परेपछि सड़क बेहाल बनेको हो। अहिले यातायातमा समस्या देखा परेको छ भने कुनै पनि समय वाहन दुर्घटनाको सम्भावना बढ़ेको छ। उक्त सडक भएर राङभाङ विष्णुधाम पर्यटन केन्द्र हुँदै नागरी, धजे,पोख्रेबुङ आदि ठाउँ जाने वाहनहरूलाई धेरै…

10 Apr

अस्पताल भवनसितै सुरक्षा देवाललाई प्राथमिकता दिनुपर्ने माग

Piyali PoddarNorth Bengal

मिरिकमा निर्माणाधीन महकुमा अस्पताल भवनको निर्माण कार्य युद्ध स्तरमा चलिरहेको छ। सम्बन्धित निकायले दिएको जानकारीअनुसार हालसम्म भवनको लगभग 30 प्रतिशत कार्य सम्पन्न भइसकेको छ। छत ढलाईको कार्य पनि सकिएको छ।मिरिक खण्ड प्राथमिक स्वास्थ्य केन्द्रले महकुमा अस्पतालको दर्जा पाएपछि यस क्षेत्रका मानिसहरूलाई गुणस्तरीय स्वास्थ्य सेवा प्रदान गर्ने उद्देश्यमा भवन निर्माण कार्य आरम्भ गरिएको हो। अस्पताल सञ्चालनमा आएपछि मिरिकवासीलाई सामान्य रोगको उपचारका लागि पनि टाढ़ा जानुपर्ने बाध्यता हट्ने विश्वास गरिएको छ। यता भवन निर्माणको कार्य तीव्र गतिमा भइरहे पनि केही गम्भीर समस्याहरू भने देखा परेका छन्। अस्पताल निर्माणका लागि गरिएको खनन कार्यमा सुरक्षा पर्खाल निर्माण नगरिए भविष्यमा ठूलो पैह्रोको जोखिम बढ्ने सम्भावना…

07 Apr

दुई तृणमूल जनप्रतिनिधिमाझ विवादले रोकियो सड़क निर्माण कार्य

Piyali PoddarNorth Bengal

सड़क निर्माणबारे तृणमूल कङ्ग्रेसको आन्तरिक गुटबन्दी खुलस्त भएको छ। नक्सलबारी ब्लकअन्तर्गत मणिराम ग्राम पञ्चायतको किलाराम जोत क्षेत्रमा एउटा सड़क निर्माणबारे सोमवार तृणमूलका दुई गुटबीच विवाद उत्पन्न भयो। त्यसकारण निर्माण कार्य आरम्भ भएलगत्तै विवादको कारण काम रोकिएको छ। प्राप्त जानकारीअनुसार, किलाराम जोतदेखि रकमजोतसम्म सड़क निर्माणका लागि उत्तर बङ्गाल विकास विभागले 2 करोड़ 60 लाख रुपियाँको बजेट छुट्याएको छ। हालै मात्र लगभग 2 किलोमिटर लामो उक्त सड़क निर्माणको शिलान्यास सिलगढ़ी महकुमा परिषदका सभापति अरुण घोषले गरेका थिए। काम सुरु भएको पहिलो दिनदेखि नै तृणमूलका दुई गुटबीच विवाद आरम्भ भएको थियो। जसको कारण निर्माण कार्य रोकिएको थियो।सोमवार पुनः काम आरम्भ भएपछि नक्सलबारी पञ्चायत…

05 Apr

मिरिक महकुमा अस्पताल भवन निर्माण कार्य युद्ध स्तरमा

Piyali PoddarNorth Bengal

मिरिक महकुमा अस्पताल भवन निर्माण कार्य युद्ध स्तरमा भइरहेको मिरिक थर्बु डुप्टिन समष्टिका सभासद मिलेस राईले बताएका छन्। तिनले मिरिक खण्ड प्राथमिक स्वास्थ केन्द्रले महकुमा अस्पतालको दर्जा पाएपछि भवन निर्माण कार्य आरम्भ भएपछि शुरुमा निर्माण कार्यमा केही सुस्त देखिए पनि हाल भने भवन निर्माण कार्य तीव्र गतिमा भइरहेको बताए। तिनले जति छिटो भवन निर्माण हुनेछ त्यति छिटो मिरिकवासीले चिकित्सा सम्बन्धी सुविधा पाउनेछ भन्दै हाल पनि मिरिक सरकारी अस्पतालमा दैनिक दुई सयजना रोगीहरूले जाँच गरिरहेका बताए। तिनले भवन निर्माण कार्य गर्दा कतिपय घरहरू पैह्रोको जोखिममा रहेको कारण पानीको मौसमअघि नै सुरक्षा पर्खालहरू लगाइने पनि बताए। तिनले सुरक्षा पर्खाल निर्माणका लागि विभागीय…