06
Sep
सिलगढी महानगरीय प्रहरीको नयाँ जलपाईगुडी थानाको पुलिसले अवैध मदिरा बिक्रीको उजुरी पाएपछि बिन्नागुड़ी ग्राम पंचायत अन्तर्गत फराबादा आदर्शपल्ली क्षेत्रमा घर-घर छापा मारेको छ। बुधबार दिउँसो प्रहरीले लाठीसहित सो क्षेत्रमा घर–घर खोजी अभियान चलाएको थियो। तर, त्यहाँबाट मदिरा बरामद भएको छैन। उक्त क्षेत्रमा घरघरमा अवैध रुपमा मदिरा र लागुऔषध बिक्री हुने गरेको सो क्षेत्रका महिलाले प्रहरीमा गुनासो गरेका थिए। सोही उजुरीका आधारमा यो कारबाही गरिएको हो।
