सिलगढ़ीको पञ्चनोई नदीको पुलमुनि अज्ञात व्यक्तिको शव फेला परेको घटनाले सनसनी मच्चाएको छ। प्राप्त जानकारीअनुसार, बिहान काममा जाँदै गरेका श्रमिकहरूले उक्त शव देखे। त्यसपछि तुरुन्तै पुलिसलाई त्यसबारे जानकारी गराइयो। सूचना पाएपछि मतिगढ़ा थाना पुलिस घटनास्थलमा पुग्यो। प्राथमिक जाँचका क्रममा पुलिसले मृत व्यक्ति मानसिक रूपमा अस्वस्थ रहेको र तिनको कुनै स्थायी ठेगाना नभएको पत्तो लगाएको छ। पछिल्ला केही दिनदेखि उक्त व्यक्ति पञ्चनोई नदीको पुलमुनि बस्दै आइरहेका थिए। स्थानीय मानिसहरूले नै तिनलाई खाना दिन्थे। अस्वस्थताकै कारण तिनको मृत्यु भएको हुन सक्ने अनुमान गरिएको छ। पुलिसले शवलाई पोस्टमर्टमका लागि उत्तर बङ्गाल मेडिकल कलेज तथा अस्पताल पठाएको छ। यस सम्बन्धमा पुलिसले थप जाँच गरिरहेको छ।
