कुचबिहारको ब्लक नम्बर १ को फोलिमारी ग्राम पञ्चायत क्षेत्र चुनावको केही घण्टामै युद्धको मैदानमा परिणत भयो। सत्तारुढ तृणमूल कांग्रेसले भाजपाका पोलिंग एजेन्ट माधव विश्वासलाई गोली हानेर हत्या गरेको आरोप लागेको छ। स्थानीय स्रोतका अनुसार मृतक पोलिंग एजेन्ट माधव विश्वासलाई बुथमा प्रवेश गर्न लाग्दा तृणमूल कांग्रेसले रोकेको थियो।तनाव बढेपछि उनीमाथि गोली प्रहार भएको थियो। यस घटनामा भाजपाका एक उम्मेदवार पनि घाइते भएका छन्। भाजपा उम्मेदवार माया बर्मन सरकारले फोलिमारी बुथ नम्बर ३८ को पोलिंग एजेन्टमा समस्या भएको बताइन्। घटनाको पछाडि तृणमूल कांग्रेसका समर्थकहरुको हात रहेको दाबी गरिएको छ। पोलिंग एजेन्टलाई ढोकामा लगेपछि ठूलो आवाज आएको उनले बताए । सायद गोली चलेको आवाज थियो। उनका पोलिंग एजेन्ट माधव विश्वास त्यहीँ ढले। कुचबिहार कोतवाली थानाको पुलिस घटनास्थलमा पुग्यो। घटनापछि सम्पूर्ण क्षेत्रमा ठूलो तनाव देखिएको छ। यस सम्बन्धमा तृणमूलबाट कुनै प्रतिक्रिया आएको छैन। घटना शनिबार बिहान करिब आठ बजेको हो।
