लामो प्रतिक्षापछि कोलकाता र ढाका अन्तर्राष्ट्रिय फिल्म फेस्टिभललगायत विभिन्न फिल्म फेस्टिभलमा प्रशंसा पाएको पूर्ण लम्बाईको बंगाली फिल्म ‘बिजोयार पोरे’(Bijoyar Pore) शुक्रबार जनवरी 12 मा हलमा रिलिज भएको छ । फिल्ममा स्वस्तिका मुखर्जी, मीर अफसर अली, ममता शंकर, दिपङ्कर डे, विदिप्ता चक्रवर्ती र ऋतब्रत मुखर्जी जस्ता चर्चित कलाकारहरू विशेष भूमिकामा देखिएका छन्।
संगीत जि म्युजिकले उपलब्ध गराएको हो। फिल्ममा लगनजीता चक्रवर्ती र शाओनी मजुमदारले गीत गाएका छन्। फिल्म को निर्माण सुजित राहाले गरेका हुन् र निर्देशन अभिजित श्रीदासले गरेका हुन्। दुवै जना सिलगढीका बासिन्दा भएकाले सिलगढीको दीनबन्धु मञ्च अडिटोरियममा 13 जनवरी 2024 शनिबार साँझ 4.30 बजे फिल्मको विशेष कार्यक्रमको आयोजना गरिएको छ।
कार्यक्रममा चलचित्रकी मुख्य अभिनेत्री ममता शंकर को उपस्थिति रहनेछ। सुजित राहा(Sujit Raha) र अभिजित श्रीदासले(Abhijit Sridas) चलचित्र प्रेमीहरुलाई यो चलचित्रको मजा लिन आह्वान गरेका छन्।
