लामो प्रतिक्षापछि सिलिगुडीको बंगाल सफारी पार्कमा सिंह आइपुगेका छन् । त्रिपुराको सेपाहिजाला प्राणी उद्यानबाट आज दुईवटा सिंह सिलगढी पुगेका छन् । दुवै सिंहलाई पशु एम्बुलेन्सबाट सकुशल बंगाल सफारीमा ल्याइएको थियो ।
सिलगढीको बंगाल सफारी पार्कमा सिंहको आगमनलाई लिएर खुशीको माहोल छ। बङ्गाल सफारीमा आएका दुई सिंहको नाम अकबर र सीता हो ।दुवैको जन्म त्रिपुराको सिपाहीजाला प्राणी उद्यानमा भएको थियो । अकबर ७ वर्ष र सीता ५ वर्षकी भइसकेका छन् ।बङ्गाल सफारीमा हात्ती, सिंह लगायतका विभिन्न जीवजन्तुको आगमनले पनि पर्यटकको संख्यामा वृद्धि हुने सफारी पार्कका अधिकारीहरु बताउँछन् ।
वर्षको सुरुमै सिंहराज आएपछि निकुञ्जका पदाधिकारी खुसी छन् । यसैबीच, पार्क अधिकारीहरूले दुई सिंह सकुशल आइपुगेको जानकारी दिएका छन्। अहिलेका लागि उनीहरुलाई घेरामा मात्रै राखिनेछ । तर, ती पर्यटकका अगाडि ल्याइने छैनन् ।पर्यटकले आफूलाई अनुकूल बनाएपछि मात्र सिंह देख्न सक्ने बताइएको छ ।
