सिलगढी सहरका विभिन्न इलाका लगायत रेलवे लाइन र रेलवे लाइनसँग जोडिएका इलाकामा लागुऔषध तस्कर र दुर्व्यसनीको संख्या बढ्दै गएको छ। जसका कारण यी क्षेत्रमा विशेषगरी आपराधिक घटनाहरु भइरहेका छन्। यसैलाई मध्यनजर गर्दै एक स्वैच्छिक संस्थाले सचेतना कार्यक्रम आयोजना गरेको हो। कार्यक्रममा सिलगढी विधायक शंकर घोष उपस्थित थिए। मंगलबार बिहान यो संगठनले टाउन स्टेसन, हाश्मी चोक लगायतका स्थानमा ब्यानर बोकेर र्याली गरेको थियो। मिडियासँग कुराकानी गर्दा, सिलगढी विधायकले भने कि रेलवे लाइनको छेउमा विभिन्न स्थानहरूमा लागूपदार्थको तस्करी बढ्दै गएको छ, जसलाई पुलिसको एक भागले समर्थन गरेको छ। जसका कारण सहरमा अपराध बढ्दै गएको छ। त्यसविरुद्ध कारबाही र जनतालाई सचेत गराउने उद्देश्यले यो सचेतना कार्यक्रम आयोजना गरिएको हो।
