Piyali Poddar - Purbottar Nepali

29 Nov

फूलबारीबाट चोर पक्राउ

Piyali PoddarSILIGURI

चोरिरहेको समयमै एकजना चोरलाई पक्राउ गरिएको छ। प्राप्त जानकारीअनुसार सिलगढ़ीनजिक फूलबारीको अमैदिघी इलाकामा चोरलाई त्यति बेला पक्राउ गरियो जब तिनले मोबाइल टावरको सामग्री चोर्ने प्रयास गरिरहेका थिए। शुक्रवार स्थानीय मानिसहरूले चोरलाई पक्राउ गरेका हुन्। पक्रा परेका व्यक्तिको नाम ऋषिकेश विश्वास हो अनि तिनी रामपुरहाटका वासिन्दा हुन्। स्थानीय सूत्रअनुसार केही समयदेखि अमैदिघीको उक्त मोबाइल टावर सञ्चालनमा छैन। त्यसो हुँदा मोबाइल टावरको विभिन्न सामग्री बारम्बार चोरी भइरहेको थियो। शुक्रवार स्थानीयहरूले ऋषिकेशलाई मोबाइल टावरमै घेरो हालेर पक्रे। ऋषिकेश मोबाइल टावरको सामग्री चोर्न आएको स्थानीय मानिसहरूको आरोप छ। तुरुन्तै स्थानीय मानिसहरूले एनजेपी पुलिस थानालाई घटनाबारे जानकारी दिए। घटनास्थल आइपुगेको पुलिसले ऋषिकेशलाई आफ्नो कब्जामा लिएर…

29 Nov

मटेली ब्लकमा प्रवासी पक्षीहरूको आगमन

Piyali PoddarSocial

शीतकालमा प्रवासी पक्षीहरूको आगमनले पक्षी प्रेमीहरूलाई खुशी बनाएको छ। गजलडोबापछि मटेली ब्लकमा प्रवासी पक्षीहरूको आगमन भएको हो। मटेली ब्लकको लाटागुड़ी वन क्षेत्रनजिक छायाफेली क्षेत्रको नेउरा नदी किनारमा यी प्रवासी पक्षीहरू देखिए। नेउरा नदी किनार अहिले प्रवासी पक्षीहरूको बसोवास स्थानमा परिणत बनेको छ। नदीको किनारमा रुडी शेलडक, ग्याड वाल, मर्गन्सर, साइबेरियाली स्टोनच्याट लगायत विभिन्न प्रजातिका प्रवासी पक्षीहरू देखिन्छन्। यद्यपि यी सबै प्रवासी पक्षीहरूको सुरक्षा विषयमा पर्यावरण प्रेमीहरू चिन्तित छन्। प्रवासी पक्षीहरूको बसोवास क्षेत्रसित जोड़िएको क्षेत्रमा वन विभागको नियमित गस्तीको आवश्यकता रहेको तिनीहरू बताउँछन्। पक्षी प्रेमी किरण शर्माले भने, विभिन्न प्रजातिका प्रवासी पक्षीहरूको आगमन छायाफेलीको नेउरा नदी किनारमा भएको छ। यो सुखद…

28 Nov

भोरेर आलो पुलिस थाना आमबारीमा सारिने

Piyali PoddarNorth Bengal

एकातिर पूर्वाधारको अभाव, अर्कातिर थानामा दर्ता हुने मामिलाहरूको सङ्ख्या सीमित। प्रायः अधिकारीहरूको काम पर्यटन परियोजनाको अनुगमनदेखि ट्राफिक व्यवस्थापनसम्म सीमित छ। साथै लगातार भीआईपी ड्युटी पनि गर्नुपर्छ। यस्तो स्थितिमा पश्चिम बङ्गालकी मुख्यमन्त्री ममता ब्यानर्जीको सपना परियोजना मेगा पर्यटन केन्द्र गजलडोबा अर्थात भोरेर आलोस्थित सिलगढ़ी पुलिसको पूर्ण थानालाई अन्यत्र स्थानान्तरण गर्ने निर्णय लिइएको छ। राज्य पुलिस सूत्रअनुसार, यसै हप्ता नवान्नमा भएको उच्च स्तरीय छलफलपछि सिलगढ़ी पुलिस कमिश्नरेटअन्तर्गत भोरेर आलो थानालाई चाँड़ै अर्को स्थानमा सारिने प्रक्रिया थालिएको छ। मेगा पर्यटन केन्द्र भोरेर आलोमा पहिले झैँ एउटा पुलिस चौकी राखिनेछ जसलाई गजलडोबा पुलिस चौकीको रूपमा चिन्न सकिन्छ। नयाँ भोरेर आलो थानालाई वर्तमान स्थानबाट लगभग…

28 Nov

देश विरोधी गतिविधिमा संलग्नको आरोपमा फ्रान्सिस एक्का पक्राउ

Piyali PoddarNorth Bengal

देशविरोधी गतिविधिमा संलग्न भएको आरोपमा नक्सलबारीको बेलगाछी चियाबारीबाट फ्रान्सिस एक्कालाई सेनाले पक्राउ गरेको छ। मङ्गलवार राति सेनाको त्रिशक्ति कोर्प, नेशनल डिजाष्टर रेसपोन्स फोर्स (एनडीआरएफ) र दार्जीलिङ पुलिसले संयुक्त अपरेशन चलाएर तिनलाई पक्राउ गरेको हो। पक्राउ परेका फ्रान्सिसकी पत्नी नक्सलबारी पञ्चायत समितिकी एक सदस्य हुन्। फ्रान्सिसको घरबाट रेडियोधर्मी पदार्थ क्यालिफोर्नियम र डिफेन्स रिसर्च एण्ड डेभलपमेण्ट अर्गनाइजेशन (डीआरडीओ) का धेरै गोप्य कागजात फेला पारिएको छ। तिनले डीआरडीओका दस्तावेजहरू तस्करी गरेको आरोप छ। सेनाअनुसार, अन्तर्राष्ट्रिय बजारमा प्रति ग्राम क्यालिफोर्नियमको मूल्य झण्डै 17 करोड़ रुपियाँ छ। केही महीनाअघि बिहारमा पनि यसै रेडियोधर्मी पदार्थसहित तीनजनालाई पक्राउ गरिएको थियो। फ्रान्सिसलाई मङ्गलवार राति केरकार गरेपछि तिनलाई पानीघट्टा…

26 Nov

युवतीको कपाल चोरी

Piyali PoddarSILIGURI

सड़कमा पैसा र गहना लुटपातको घटना प्रायः सुनिन्छ। तर के कपाल चोरी पनि हुन्छ? त्यो पनि कुनै भीड़भाड़ कार्यक्रममा! सुन्नेहरूलाई अचम्म लाग्न सक्छ। तर यसपल्टक सिलगढ़ीको सूर्यनगर मैदानमा यस्तै एउटा घटना घटेको छ। गत आइतवार बेलुकी एउटा निजी संस्थाले आयोजना गरेको कार्निभल हेर्न सूर्यनगर मैदान गएकी थिइन् एक युवती। तिनका काकी र केही साथीहरू पनि साथमा थिए। कार्यक्रमको बीचमा अचानक आफ्नो लामो कपाल हराइसकेको युवतीलाई अनुभव भयो। कसैले चुपचाप तिनको कपाल काटेर लगेछ। त्यसबारे थाहा पाउने बित्तिकै रुँदै युवती बेहोस भइन्। त्यस्तो किन नहोस् त? किशोरीको कपाल ढाँडमुनि कम्मरसम्म आइपुगेको थियो। ती बाक्ला र कालो कपाललाई युवतीले निकै माया गर्थिन्।…

26 Nov

टास्क फोर्सको प्रभाव नपरेको ग्राहकहरूको गुनासो

Piyali PoddarSILIGURI

टास्क फोर्स बजारबाट फर्किन साथ आलु, प्याज र अन्य सब्जीको मूल्य फेरि बढ्यो। यस्तो कार्वाहीलाई देखावटी प्रक्रियाको संज्ञा दिँदै ग्राहकहरूले आलोचना गरेका छन्। सोमवार सिलगढ़ीको विधान मार्केटमा टास्क फोर्सले अभियान चलाएको थियो। शुरुमा चम्पासारीको थोक बजारमा पुगेर अधिकारीहरूले सब्जीहरूको मूल्य बुझ्ने प्रयास गरे। त्यसपछि तिनीहरू विधान मार्केटको खुद्रा सब्जी बजारमा पुगे। त्यहाँका केही विक्रेताहरूले थोक मूल्यको रसीद देखाउन नसकेका गुनासो थियो। अत्यधिक नाफा राखेर तिनीहरूले सब्जी बिक्री गरिरहेको आरोप उठ्यो। अधिकारीहरूले कम्ती नाफामा साग-सब्जी बेच्ने निर्देश दिए तर त्यसको कुनै प्रभाव परेको देखिएन। अधिकारीहरू बजारमा रहेका बेला केही समय मूल्य घटाइने ग्राहकहरूको आरोप छ। तर अधिकारीहरू बजारबाट गएपछि फेरि मूल्य…

25 Nov

सब्जीको मूल्य नियन्त्रण गर्न आज फेरि अभियान

Piyali PoddarSocial

आलु र प्याजको मूल्य नियन्त्रण गर्न शनिवार सिलगढ़ीका मेयर गौतम देबले प्रशासनलाई बैठकमा निर्देश दिएका थिए। तिनले आइतवारदेखि बजारमा 32 रुपियाँ प्रति किलो ज्योति आलु उपलब्ध हुने बताएका थिए। तर आइतबार बिहानदेखि सिलगढ़ीका विभिन्न बजारहरूमा आलु र प्याज मात्र होइन सबै सब्जीको मूल्य आकाशिएको देखियो। बजारमा 35 रुपियाँभन्दा कम्तीमा कुनै आलु उपलब्ध थिएन। नयाँ आलु आएपछि मूल्य घट्ने अपेक्षा गरिएको थियो। तर नयाँ आलु पनि 50 रुपियाँ प्रति किलोमा बिक्री भइरहेको थियो। यसले गर्दा सर्वसाधारण समस्यामा परेका छन्। प्रशासनले एसी कोठामा बसेर मूल्य घटाउने आदेश दिएर मात्र आफ्नो दायित्व पूरा गरिरहेको सर्वसाधारणको गुनासो छ। तर बजारमा सर्वसाधारणले आलु, प्याजदेखि अन्य…

25 Nov

ट्याब काण्डमा उत्तर बङ्गालबाट चार पक्राउ

Piyali PoddarCRIME

सिलगढ़ीको लेनिन कोलोनी, नौका घाट र अलिपुरद्वार जिल्ला मुख्यालयनजिकैको बीरपाड़ा। ट्याब काण्डमा यसपल्ट उत्तरका यी तीन स्थानहरूको नाम मुछिएको छ। शनिवार राति गरिएको अपरेशनमा यी तीन स्थानबाट जम्मा चारजनालाई पक्राउ गरिएको छ। पक्राउ परेकाहरूमा बालुवा–ढुङ्गा खननका मजदुरदेखि व्यवसायीसम्म विभिन्न पेसाका मानिसहरू सामेल छन्। तर प्रारम्भिक अनुसन्धानपछि पक्राउ परेकाहरूको मामिलामा विद्यालयसँगै ब्याङ्कको कुनै क्लिनिकल मिस्टेक छ कि छैन भनेर पनि प्रश्न उठ्न थालेको छ। लेनिन कोलोनीका वासिन्दा नजरुल इस्लाम र रूकसाना खातूनलाई पश्चिम मेदिनीपुरको केसियारी थाना पुलिसले पक्राउ गरेको छ। नौका घाट क्षेत्रका वासिन्दा मेहबुब हुसैन र बीरपाड़ाका वासिन्दा प्रदीप दासलाई विधाननगर साइबर अपराध थाना पुलिसले पक्राउ गरेको छ। आइतवार पक्राउ…

25 Nov

तेभागा एक्सप्रेस दुर्घटनाग्रस्त

Piyali Poddarbreaking news

सोमवार बालुरघाटबाट कोलकाता गइरहेको समय तेभागा एक्सप्रेस दुर्घटनामा परेको छ। सोमवार बिहान तेभागा एक्सप्रेस रामपुर स्टेशननजिक पुग्दा माथिबाट बिजुलीको तार चुँड़िएर खस्यो। त्यसकारण ट्रेन त्यहाँ रोकिनु पुऱ्यो। तर यात्रीहरू ठूलो दुर्घटनाबाट जोगिएका छन्। न त ट्रेनलाई कुनै क्षति पुगेको छ न त यात्रीहरूलाई। त्यसपछि रेल लाइनको मरम्मती कार्य आरम्भ भयो। सोमवार बिहान 5.45 बजी बालुरघाटबाट छुटेको तेभागा एक्सप्रेस बिहान 6.10 मा मल्लिकपुर स्टेशन पार गरेर रामपुर स्टेशनको ठीक अघि आइपुग्दा यो दुर्घटना भएको हो। अचानक बिजुलीको तार चुँड़िएर खसेपछि ट्रेन लामो समयसम्म रोकियो। खबर पाएर रेलवे बिजुली विभागका कर्मचारीहरू घटनास्थलमा पुगे। मरम्मती कार्य आरम्भ गरेपछि मालदाबाट एउटा इञ्जिन मगाइयो। यस…

22 Nov

उत्तर बङ्गालमा मिष्टी हब हुने

Piyali PoddarNorth Bengal

अब उत्तर बङ्गालमा पनि मिष्टी हब हुनेछ। तर कुन जिल्लामा यसलाई निर्माण गरिने हो त्यसबारे अन्तिम निर्णय भएको छैन। राज्यको खाद्य प्रशोधन र बागवानी विभागका मन्त्री अरूप रायले बिहीवार सिलगढ़ीमा भने, यो केवल चर्चा मात्र होइन। मिष्टी व्यापारीहरूले आज मलाई उत्तर बङ्गालमा मिष्टी हबको प्रस्ताव दिएका छन्। एक महीनाभित्र यसबारे पुनः व्यापारीहरूसित छलफल गर्नेछु। हामी हब बनाउनेछौँ। कलकत्ताको न्यु टाउनको इको पार्कमा मिष्टी हब छ। त्यस्तै ढाँचामा उत्तर बङ्गालको कुनै स्थानमा हब निर्माण गरिए व्यवसायीहरूले ठूलो लगानीको आश्वासन दिएका छन्। खाद्य प्रशोधनसितै विभिन्न विषयहरूमा छलफल गर्न उत्तर कन्यामा कार्यशाला आयोजना गरिएको थियो। त्यहाँ उत्तर बङ्गालका विभिन्न जिल्लाका चेम्बर अफ कमर्सका…