Piyali Poddar

जलपाइगढ़ीका ब्याङ्क कर्मचारीहरूले मङ्गलवार ब्याङ्किङ क्षेत्रमा पाँच दिने कार्यसप्ताह लागू गर्नुपर्ने माग गर्दै राष्ट्रव्यापी हड़तालमा सहभागिता जनाए। सिलगढ़ी अनि वरिपरि क्षेत्रका ब्याङ्किङ संस्थाहरू आज पूर्ण रूपले बन्द राखियो। यसकारण जनसाधारणले चरम समस्या झेल्नु परेका छन्।यो हड़ताल युनाइटेड फोरम अफ ब्याङ्क युनियन (यूएफबीयू) ले आह्वान गरेको हो अनि शहरका ब्याङ्क कर्मचारीहरूले बिहानैदेखि विभिन्न सरकारी तथा निजी ब्याङ्कहरूअघि विरोध र्या्लीहरूमा सहभागिता जनाए।प्रदर्शनकारीहरूले नाराबाजी गर्दै पाँच दिने संरचित कार्यप्रणालीको मागलाई अघि सारे, र ब्याङ्किङ क्षेत्रमा राम्रो कार्य–जीवन सन्तुलन तथा कार्यक्षमता सुधारका लागि यो माग अति आवश्यक रहेको बताए।

सांसद राजु विष्टले सन् 2025 मा उत्तर बङ्गालमा आएको भीषण प्राकृतिक आपदामा प्रभावित 12 परिवारहरूलाई मोठ 12 लाखको आर्थिक सहायता प्रदान गरेका छन्। उक्त आपदाले समतल भूभाग अनि पहाड़ी दुवै क्षेत्रमा व्यापक क्षति पुर्यातएको थियो जसको कारण कैयौँ ज्यान गएको थियो र धेरै परिवारहरू घरबारविहीन बनेका थिए।आपदाबारे जानकारी पाएपछि सांसद राजु विष्टले प्रभावित क्षेत्रहरूको भ्रमण गरेका थिए र पीड़ितहरूलाई सहयोगको आश्वासन दिँदै प्रत्येक प्रभावित परिवारलाई 1.8 लाख क्षतिपूर्ति उपलब्ध गराउने घोषणा गरेका थिए। आफ्नो प्रतिबद्धता पूरा गर्दै तिनले खरसाङमा आयोजित कार्यकर्ता महासङ्गम सार्वजनिक सभाको मञ्चबाट 12 प्रभावित परिवारहरूलाई प्रति परिवार 1 लाख रुपियाँको पहिलो किस्ता वितरण गरेका छन्। सूत्रअनुसार बाँकी…

सशस्त्र सीमा बल (एसएसबी)की महानिर्देशक रेखा लोहानी (आईपीएस) ले आठौँ वाहिनीअन्तर्गत सीमा चौकी पशुपति फाटकको भ्रमण गरेकी छन्। तिनलाई पशुपति फाटक आइपुग्दा वाहिनीका कमाण्डेण्ट मितुल कुमारले भव्य स्वागत गरे। भ्रमणका क्रममा कम्पनी कमाण्डर तथा सहायक कमाण्डेण्ट सिकन्दर कुमारले वाहिनीको कार्यक्षेत्र र सीमा सुरक्षा व्यवस्थाबारे विस्तृत जानकारी गराए। महानिर्देशकले सीमा चौकीबाट सञ्चालित सुरक्षा गतिविधिहरूको गहन निरीक्षण गरिन्।क्षेत्रमा हालै प्राप्त गरिएका विभिन्न परिचालन सफलताहरूबारे जानकारी लिँदै महानिर्देशक लोहानीले टोलीको कार्यकुशलताको प्रशंसा गरिन्। तिनले पशुपति फाटकमा तैनाथ महिला तथा पुरुष सुरक्षाकर्मीहरूको ड्युटी अवस्थाको पनि निरीक्षण गरिन्। कठिन परिस्थितिमा पनि जवानहरूले देखाएका कर्तव्यनिष्ठा र समर्पणको सम्मान गर्दै तिनले आगामी दिन पनि यसरी नै हौसलासहित…

15 जनवरीदेखि अहिलेसम्म पनि बक्सा बाघ परियोजनाको घना जङ्गलमा बाघ घुम्दै आइरहेको छ। बुधवार राति बक्सा बाघ परियोजना प्राधिकरणले चारवटा ट्र्याप क्यामेरामा कैद भएको रोयल बङ्गाल टाइगरको तस्बिर सार्वजनिक गरेको छ। साथै यसपल्ट वन अधिकारीहरूले पहिलोचोटि उक्त रोयल बङ्गाल टाइगरको गर्जन आफ्नै कानले सुनेको दाबी गरेका छन्।बक्सा बाघ परियोजनाको तर्फबाट देहरादूनस्थित वाइल्ड लाइफ इन्स्टिच्युट अफ इण्डियामा बक्सामा रहेका हालको बाघका तस्बिरहरू पठाइएको थियो। ती तस्बिरहरूको विश्लेषणपछि बाघ विज्ञहरूले यसपल्टकको बाघ सन् 2021 अनि 2023 मा देखिएका बाघहरूभन्दा आकारमा धेरै ठूलो भएको पुष्टि गरेका छन्।बक्सा बाघ परियोजनाका पश्चिम उपक्षेत्रका उपक्षेत्र अधिकारी हरिकृष्णन पीजेले भने, यसपल्टकको बाघ आकारमा मात्र विशाल होइन तर…

आँखा तिरिमिरी हुने अवस्था छ। मतदाता सूचीको विशेष गहन संशोधन (एसआईआर) प्रक्रियामा लोजिकल डिस्क्रिपेन्सीको सीमामा कोचबिहार जिल्लाबाट बाहिर आएको तथ्याङ्कले सबैलाई चकित पारेको छ। तथ्याङ्कअनुसार, जिल्लामा लगभग 28 हजार यस्ता व्यक्ति छन् जसको उमेर तिनीहरूको बाबा वा आमासित केवल 15 वर्षको फरक देखिएको छ। त्यसो भए के यति धेरै मानिसहरू केवल 15 वर्षकै उमेरमा आमा वा बाबा बनेका हुन्? यो प्रश्न अहिले जिल्लामा एसआईआर कार्यमा संलग्न अधिकारीहरू तथा चुनाउ आयोगका अधिकारीहरूबीच चलिरहेकै छ। यति मात्र होइन लगभग 37 हजार दम्पत्तीको उमेर अन्तर 50 वर्ष देखिएको छ। एसआईआरको सुनुवाइ प्रक्रियाबारे पहिलेदेखि नै सम्पूर्ण राज्यमा हलचल मच्चिएको छ। यस विषयमा तृणमूल र…

विधानसभा चुनाउ नजिक आइरहेको छ। यस्तो परिस्थितिमा राज्यका सरकारी सहायता प्राप्त विद्यालयका शिक्षक–शिक्षिका अनि शिक्षाकर्मी साथै सहायता प्राप्त कलेज र विश्वविद्यालयका शिक्षाकर्मीलाई पनि वेष्ट बेङ्गल हेल्थ स्किममा समेट्ने माग गर्दै स्वयम् राज्यका शिक्षा राज्यमन्त्री सत्यजित बर्मन मुखर बनेका छन्। सत्तारूढ़ दलका एक शीर्ष नेतालाई सत्यजितले 13 जनवरीमा लेखेका यस सम्बन्धी पत्र सामाजिक सञ्जालमा भाइरल भएको छ। सोमवार सत्यजितले भने, वेष्ट बेङ्गल तृणमूल प्राइमरी टिचर्स एसोसिएशन (डब्ल्यूबीटीपीटीए) तर्फबाट मलाई यस्तो आवेदन आएको थियो। यस विषयमा मैले शिक्षा विभागका अधिकारीहरूसित विस्तृत रूपमा छलफल गरेँ। सरकारी कर्मचारीसितै सरकारी विद्यालय र कलेजका शिक्षक तथा कर्मचारी वेष्ट बेङ्गल हेल्थ स्किमअन्तर्गत छन्। तर सहायता प्राप्त तथा…