Piyali Poddar

स्वच्छ भारत अभियानलाई सफल बनाउन एसएसबी आठौँ बटालियन खोप्रेल डी कम्पनीका जवानहरूले शुक्रवार मिरिक पर्यटन केन्द्रमा सफाई अभियान चलाए। एसएसबीका जवानहरूले मिरिक झील परिसरमा थुप्रिएका फोहोर अनि प्लास्टिकहरूलाई सङ्ग्रह गरेर सुरक्षित स्थानमा तह लगाए। यस अवसरमा बोल्दै एसएसबीका अधिकारी नर्बु छिरिङले भने, एसएसबीले सीमा क्षेत्रमा सुरक्षा मात्रै प्रदान नगरेर सामाजिक कार्यहरू पनि गर्दै आइरहेको छ। यसै क्रममा मिरिक पर्यटन केन्द्रको मुख्य आकर्षण मिरिक झील परिसरमा सफाई गरिएको हो। यसबारे जानकारी गराँउदै एसएसबीले सार्वजनिक स्थलहरू मन्दिर, गिर्जा घर, गुम्बा आदि ठाँउमा पनि सफाई गर्ने गरेको तिनले बताए।

ओकेटी चियाबारी श्रमिक सङ्गठनका प्रतिनिधि अनि चियाबारी प्रबन्धकहरूमाझ सभा सम्पन्न भएको युनियन नेता अर्पण राईले जानकारी गराएका छन्। सभामा श्रमिक सङ्गठनहरूले चियाबारीका श्रमिकहरूलाई यो वर्ष पूजा बोनस 20 प्रतिशतको दरले प्रदान गरिएकोमा चियाबारी मालिक राजु वैध अनि प्रबन्धकहरूलाई आभार प्रकट गरे अनि आउने वर्षहरूमा पनि यसै गरी कुनै झमेला र समस्या उत्पन्न नगराई श्रमिकहरूलाई 20 प्रतिशत दरले पूजा बोनस प्रदान गरिदिने माग गरे। सभा अवधि श्रमिकहरूले सही बोनस प्राप्त गरे वा गरेनन् भनेर 2024 को अप्रेल महीनादेखि 2025 को मार्च महीनासम्म दैनिक हाजिरा रजिस्टर अनि वर्षभरिको ईएलपी बिगाको पूर्ण विवरण रजिस्टर जाँच गरे। यस विषयमा बोल्दै युनियन नेता अर्पण राईले…

डुवर्सको वन क्षेत्र खोलिएको छ। खोलिएपछि आज बिहानदेखि नै अलिपुरद्वार जिल्लाका विभिन्न वन क्षेत्रमा पर्यटकहरूको भीड़ देखिएको छ। जलदापाड़ा राष्ट्रिय निकुञ्जमा पर्यटकहरूका लागि फरक ढङ्गले स्वागतको व्यवस्था गरिएको थियो। वन विभागको तर्फबाट पर्यटकहरूलाई लड्डु र मिठाई खुवाएर स्वागत गरियो। त्यससितै जिल्लाको बक्सा टाइगर रिजर्भ र जलदापाड़ा राष्ट्रिय निकुञ्जको ढोका पनि खोलिएको छ। वन क्षेत्र घुम्ने अवसर पाएर पर्यटकहरू उत्साहित बनेका छन्। पूजाअघि वन क्षेत्र खोलिएसितै डुवर्सको पर्यटन उद्योगमा थप उत्साह सिर्जना हुनेमा वन विभाग र व्यवसायीहरू आशावादी छन्।

महिलाहरूको सुरक्षालाई ध्यानमा राख्दै सिलगढ़ी पुलिस कमिश्नरेटले पहल आरम्भ गरेको छ। विनर्स नामक महिला पुलिस स्क्वाड गठन गरिएको छ जसले शहरका भीड़भाड़ हुने महत्त्वपूर्ण क्षेत्रमा नियमित गस्ती गरिरहेको छ।यस टोलीले केवल सुरक्षा सुनिश्चित गरिरहेको छैन तर स्थानीय महिलाहरूसित प्रत्यक्ष सम्पर्क स्थापना गरी तिनीहरूको चेतना र आत्मविश्वास बढ़ाउने कार्यमा समेत संलग्न बनिरहेको छ। विद्यालय, बजार, पार्क र बस स्ट्याण्डमा विनर्स टोलीको उपस्थितिले महिलाहरूका लागि सुरक्षित वातावरण सिर्जना गरिरहेको छ।पुलिस सूत्रअनुसार यस पहलले शहरको सुरक्षा व्यवस्थालाई अझ सबल बनाउने र महिलाहरूका लागि सुरक्षित समाज सुनिश्चित गर्ने लक्ष्यलाई थप सुदृढ़ बनाएको छ। स्थानीय महिलाहरूसित नियमित भेटघाटमार्फत विनर्स टोलीले समाजमा विश्वास र सहयोगको वातावरण…

मिरिक महकुमाका कृषकहरूलाई आज खेतीपाती गर्नका लागि कृषि तथा बागवानी विभागको पक्षबाट महकुमा कार्यालय परिसरमा पोली हाउस निर्माणका लागि सामग्रीहरू वितरण गरिएको छ। यस अवसरमा बागवानी तथा कृषि विभागका सभासद प्रणाम रसाइली, थर्बु डुप्टिन समष्टिका विभागीय एमओडी सभासद मिलेश राई, मिरिक पञ्चायत समितिका चेयरम्यान कैलाश खवास अनि विभागीय अधिकारीहरू उपस्थित थिए।यी विशिष्ट व्यक्तिहरूको बाहुलीबाट कृषकहरूलाई पोली हाउसका सामग्रीहरू वितरण गरियो। कार्यक्रमपछि पत्रकारहरूसित कुराकानी गर्ने क्रममा सभासदहरू प्रणाम रसाइली, मिलेश राईले आज मिरिक बस्ती डुप्टिन नम्बर दस अनि सौरेनी बस्तीका 62 जना कृषकहरूलाई सामग्रीहरू वितरण गरिएको बताए। तिनीहरूले विगतमा पनि धेरै कृषकहरूलाई यस्ता सामग्रीहरू वितरण गरिएको बताउँदै आगामी दिन पनि सामग्री…

प्रज्ञा फ्यान क्लब मिरिकले मिरिक रङ्गशाला भवनमा सोमवार एउटा साङ्गीतिक कार्यक्रम सम्पन्न गरेर नेपाल राष्ट्रमा आयोजित सारेगमप लिटल च्याम्प गायन प्रतियोगितामा फाइनलमा पुगेकी मिरिककी छोरी प्रज्ञा डोल्मा तामाङलाई प्रतियोगितामा विजय बनाउन सबैलाई भोट गरिदिने अनुरोध गरेको छ। कार्यक्रममा बाल गायिकाहरू इशा राई, आश्मिक खवास, जीटीए आयडलका प्रतियोगी रघु विश्व, मेरो भोइस युनिभर्सका प्रतियोगी आयन विश्वकर्मा, गायिका सुनिति खाती आदिले गीत प्रस्तुत गरे भने बण्टहिल, आश्मिक एण्ड ड्रिमर, आटिस अफ मिरिकले साङ्गीतिक कार्यक्रम प्रस्तुत गरे। यसै अवसरमा साधना कला केन्द्रका कलाकारहरूले नृत्य प्रस्तुत गरे। कार्यक्रममा सारेगमप लिटल च्याम्स्ा प्रतियोगितामा सेमिफाइनलसम्म पुगेर बाहिरिएका बाल गायिका इनुङमा राईलाई पनि सम्मान गरियो। कार्यक्रममा बोल्दै…