Piyali Poddar

शहरका प्रमुख र व्यस्त मलमध्ये एक कसमस मलभित्र रहेको आइसक्रिम पार्लरमा आज खाद्य सुरक्षा विभागले ठूलो कारवाही गरेको छ। निरीक्षणका क्रममा देखिएका दृश्यहरू केवल हैरान पार्ने मात्र नभई उपभोक्ताहरूको स्वास्थ्यबारे गम्भीर चिन्ता सिर्जना गर्ने विषय छन्। आइसक्रिम पार्लरभित्र सफाईको चरम अभाव रहेको, खाद्य सामग्रीहरू खुल्ला अनि अस्वच्छ तरिकाले राखिएका अनि पसलभित्र साङ्ग्लो समेत देखिएको विभागले पत्तो लगायो। साथै उक्त पार्लर कानूनी रूपले मान्य व्यापार अनुमतिबिना सञ्चालन भइरहेको पनि पाइयो। यी त्रुटिहरू देखेपछि खाद्य सुरक्षा अधिकारीहरूले पार्लरलाई कठोर चेताउनी दिँदै सात दिनको म्याद दिएका छन्। उक्त अवधिभित्र सरसफाई, कीट नियन्त्रण र कानूनी कागजातहरू पूरा गर्न निर्देशन दिइएको छ। यदि तोकिएको समयमा…

सिलगढ़ी नगर निगमको तत्त्वावधानमा र बङ्गाल स्टेट टेबल टेनिस सङ्घको सहयोगमा आज मेयर कप अन्तरविद्यालय टेबल टेनिस प्रतियोगिताको भव्य रूपमा उद्घाटन गरिएको छ। यो कार्यक्रम सिलगढ़ीको इण्डोर स्टेडियममा सम्पन्न भएको हो जहाँ विभिन्न विद्यालयका विद्यार्थीहरू सहभागी भइरहेका छन्। उद्घाटन समारोहमा नगर निगमका अधिकारीहरू, विद्यालय प्रतिनिधिहरू अनि खेलप्रेमीहरू ठूलो सङ्ख्यामा उपस्थित थिए। यस प्रतियोगिताको उद्देश्य विद्यालय स्तरमै टेबल टेनिस जस्ता खेलहरूलाई प्रवर्द्धन गर्नु र नयाँ प्रतिभाहरूलाई प्रोत्साहित गर्नु हो। प्रतिस्पर्धामा बालक-बालिकाहरूको उल्लेख्य उत्साह देखिएको छ। आयोजनाको अन्त्यमा विजेताहरूलाई पुरस्कार तथा प्रमाणपत्र प्रदान गरेर सम्मान गरिनेछ। सिलगढ़ी नगर निगमको यो पहल खेल संस्कृतिलाई बलियो बनाउने दिशामा एक सराहनीय कदम मानिएको छ।