Editor

सामूहिक बलात्कार गरेको झुटो बयान दिएर अरुलाई फसाउन खोज्ने ओखलढुंगाकी १७ वर्षीया किशोरीसहित ३ जनालाई जिल्ला अदालत गौरले पुर्पक्षका लागि थुनामा राख्न आदेश गरेको छ । बलात्कारको नाटक गर्ने किशोरीको उमेर नपुगेकाले बालसुधार गृह पठाइएको छ । उक्त घटनाका मुख्य योजनाकार भने फरार छन् ।   पुस २८ गते आफूलाई बलात्कार गरेको भन्दै ओखलढुंगाकी पीडित भनिएकी किशोरी, उनका नातेदार चिनीमाया नेपाली, कल्पना भुजुरलाई बलात्कारको झुटो बयान दिएर अरुलाई फसाउन खोजेको आरोपमा न्यायाधीश काजीबहादुर राईको इजलासले शुक्रबार पुर्पक्षका लागि कारागार चलानको आदेश गरेको जिल्ला न्यायधिवक्ता सुभाष भट्टराईले जनाकारी दिए । ‘बलात्कार भएको भनिएकी किशोरीको उमेर नपुगेकोले बालसुधार गृह पठाउने आदेश भएको छ,’ उनले…

सभामुख अग्निप्रसाद सापकोटाले हालै गरिएका संवैधानिक नियुक्तिहरूविरुद्ध सर्वोच्च अदालतमा राष्ट्रपति कार्यालयबाहेक ३८ जनालाई विपक्षी बनाएर सर्वोच्च अदालतमा रिट निवेदन दायर गरेका छन्। सभामुखका प्रेस विज्ञ श्रीधर न्यौपानेले सर्वोच्च अदालतबाट बीबीसीसँग भने, "रिट दर्ता भयो, सभामुखले राष्ट्रपति कार्यालय, प्रधानमन्त्रीलगायत ३९ लाई विपक्षी बनाउनुभएको छ।" न्यौपानेका अनुसार अदालतले आइतवारका लागि पेसी तोकेको छ। सरकारले अख्तियार दुरुपयोग अनुसन्धान आयोग, राष्ट्रिय मानव अधिकार आयोग र राष्ट्रिय महिला आयोगसहित विभिन्न निकायमा तीन दर्जनभन्दा बढी सिफारिस गरेको थियो।

विश्वचर्चित वातावरण अभियन्ता ग्रेटा थनवर्गले भारतमा जारी किसान आन्दोलनको पक्षमा आफ्नो समर्थन दोहोर्‍याएकी छन् । किसान आन्दोलनको पक्षमा ट्वीट गरेको भन्दै आफूविरुद्ध एफआईआर दायर भएको चर्चा चुलिएकै बेला ग्रेटाले आफू किसानको पक्षमा रहेको बताएकी हुन् । १७ वर्षीया स्विडेनकी किशोरी ग्रेटा जलवायु परिवर्तनविरुद्ध अभियन्ताका रूपमा विश्वभर परिचित छिन् । ‘म अझै पनि किसानहरूको साथमा छु र उनीहरूको शान्तिपूर्ण आन्दोलनको समर्थन गर्छु । जस्तोसुकै घृणा, धम्की र मानव अधिकारको उल्लंघनले पनि त्यसमा परिवर्तन आउने छैन,’ ग्रेटाले ट्वीट गरेकी छन् । किसान आन्दोलनको समर्थन गर्दै ट्वीटमार्फत हिंसा भड्काउन खोजको आरोपमा दिल्ली प्रहरीको साइबर सेलले ग्रेटाविरुद्ध बिहीबार एफआईआर दायर गरेको चर्चा चुलिएको हो । तर दिल्ली प्रहरीले एफआईआरमा थनवर्गको…

देशनिकाला गरिएकाहरुको समूहले फ्रान्समा आयोजना गरेको र्‍यालीमा आक्रमणको तयारी गरेका एक इरानी कूटनीतिज्ञलाई २० वर्षको जेल सजाय सुनाइएको छ । अस्ट्रियाको राजधानी भियनास्थित इरानी दूतावासमा कार्यरत ४९ वर्षीय असादोल्लाह असादीलाई बेल्जियमको एन्टर्पस्थित एक अदालतले २० वर्षको जेल सजाय सुनाएको हो । सन् १९७९ को इरानमा भएको क्रान्तियता युरोपेली संघअन्तर्गतका देशमा त्यस्तो मुद्दाको सामना गर्ने उनी पहिलो इरानी हुन् । उक्त मुद्दामा असादीसहित अन्य तीन जना पनि दोषी ठहरिएका छन् । उनीहरु चारै जना जर्मनी, फ्रान्स र बेल्जियमका प्रहरीको संयुक्त कारबाहीका क्रममा पक्राउ परेका हुन् । सन् २०१८ मा फ्रान्सको राजधानी पेरिसमा भएको र्‍यालीमा निवर्तमान अमेरिकी राष्ट्रपति डोनाल्ड ट्रम्पका वकिल रुडी गिउलीयानीसहित दसौं हजार सहभागी…

पछिल्लो २४ घण्टामा बिहीबार थप १ सय ७१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार हालसम्म २ लाख ७१ हजार ६ सय २ संक्रमितको संख्या पुगेको छ । देशभरी सक्रिय संक्रमितको संख्या २ हजार २ सय ७७ जना रहेको छ । हालसम्म २० लाख ८५ हजार ५७३ पीसीआर परीक्षण भएको मन्त्रालयको बताएको छ । २४ घण्टामा कोरोना संक्रमणबाट मुक्त भइ घर फर्किनेको संख्या २ सय २७ रहेको छ । यो सँगै हालसम्म कोरोना संक्रमणबाट निको हुनेको संख्या २ लाख ६७ हजार २ सय ९२ पुगेको छ । मृतकको संख्या २ हजार ३३ पुगेको छ । २४ घण्टामा…

कोरोना भाइरसविरुद्ध रुसले विकसित गरेको खोप ९१ प्रतिशतभन्दा बढी प्रभावकारी देखिएको छ ।  रुसी वैज्ञानिकहरूले खोपको अन्तिम परीक्षणमा प्राप्त तथ्यांकहरूका आधारमा ‘स्पुतनिक–५’ खोप कोरोना भाइरसको संक्रमण रोक्न ९१.६ प्रतिशत प्रभावकारी रहेको पुष्टि भएका बताएका हुन् । त्यसका लागि तीन साताको अवधिमा खोपको दुई मात्रा दिनुपर्ने जनाइएको छ । तेस्रो चरणको नतिजाले कोरोनाविरुद्ध लड्न ‘स्पुतनिक–५’ अर्को विश्वासिलो हतियार रहेको पुष्टि भएको रुसी वैज्ञानिकहरूको भनाइ छ । उक्त खोप रुसी राजधानी मस्कोस्थित गमालेया इन्स्टिच्युटले विकास गरेको हो । यसअघि विश्व स्वास्थ्य संगठनले उक्त खोप निर्माणका क्रममा आवश्यक प्रक्रियाहरू पूरा नगरिएको दाबी गरेको थियो ।

चर्चित सेलिब्रेटीहरुले समेत समर्थन जनाउन थालेपछि भारतमा पाँच महिनादेखि जारी किसान आन्दोलनप्रति अन्तर्राष्ट्रिय चासो ह्वात्तै बढेको छ । बुधबार चर्चित पप स्टार रिहानाले किसान आन्दोलनको पक्षमा ट्विट गरेकी थिइन् । रिहानाले आफ्नो ट्विटमा ‘भारत सरकारले किसान आन्दोलनलाई असफल तुल्याउन इन्टरनेट बन्द गरेको’ शीर्षकको सिएनएनको समाचारलाई उद्धृत गर्दै आन्दोलनका पक्षमा फार्मस प्रोटेष्ट ह्यासट्गसहित एक्येबद्धता जनाएकी थिइन् । उनको ट्विटलाई घन्टाभरमै एक लाखभन्दा बढीले रिट्विट र २ लाखभन्दा बढीले लाइक गरिसकेका छन् । रिहानालाई पछ्याउँदै किसान आन्दोलनको समर्थनमा अन्य सेलिब्रेटी र अभियन्तासमेत उभिन थालेका छन् । यसले आफ्नो अन्तर्राष्ट्रिय छविमाथि नै प्रश्न उठ्ने देखेर भारतले किसान आन्दोलनप्रति बढ्दो अन्तर्राष्ट्रिय समर्थनप्रति कडा टिप्पणी गरेको छ । भारतको…