Editor

बंगलादेशमा आइतबार प्रहरी र प्रदर्शनकारीबीच झडप हुँदा दर्जनौं घाइते भएका छन् । प्रहरीले प्रदर्शनकारीहरूलाई रबरको गोली, अश्रुग्यास लगायत प्रहार गरेको थियो । घाइतेहरूको विभिन्न अस्पतालमा उपचार भइरहेको जनाइएको छ । चर्चित लेखक मुस्ताक अहमदको जेलमै मृत्यु भएपछि बंगलादेशमा अधिकारवादी तथा विपक्षीहरू आन्दोलित भएका छन् । स्थानीय टेलिभिजनहरूले प्रदर्शन र झडपको प्रत्यक्ष प्रसारण गरेका थिए । झडपपछि आन्दोलनकारीहरू थप आक्रोशित भएको र घटनाको धेरैले विरोध गरेको देखाइएको छ । प्रहरीले भने प्रदर्शन निषेधित स्थानमा प्रदर्शन गरिएकाले रोक्न खोज्दा झडप भएको बताएको छ । ‘उनीहरूलाई त्यहाँ प्रदर्शनका लागि अनुमति थिएन । अनुमति नहुँदानहुँदै पनि प्रदर्शन गरेर नियमको उल्लंघन गरेकाले हामीले उनीहरूलाई रोकेका हौं,’ एक प्रहरी अधिकारीले भने । विपक्षी दल बीएनपीका…

माल्दिभ्समा आइतबारसम्म एक लाख जनालाई कोरोना भाइरसविरुद्धको खोपको पहिलो मात्रा दिइएको स्वास्थ्य सुरक्षा निकाय (एचपीए) ले जनाएको छ । ‘कोरोना भाइरसविरुद्धको खोप अभियान सफल पार्न सरकारलाई सहयोग गर्ने सर्वसाधारण, स्वास्थ्यकर्मी, स्वयंसेवकलगायत सम्पूर्ण व्यक्तिलाई सरकार धन्यवाद दिन चाहन्छ,’ एचपीएले आफ्नो आधिकारिक ट्वीटर पेजमा लेखेको छ । एचपीएको तथ्यांकअनुसार ग्रेटर माले भनी चिनिने राजधानी र वरपरका क्षेत्रहरूका ७२ हजार ८ सय ७२ व्यक्तिसहित कुल १ लाख ५ हजार ४ सय ९२ जनाले आइतबारसम्ममा खोप लिइसकेका छन् । माल्दिभ्समा फेब्रुअरी १ देखि खोप अभियान थालिएको हो । अधिकारीहरूले केही महिनाभित्र सम्पूर्ण नागरिकलाई खोप उपलब्ध गराउने बताएका छन् । माल्दिभ्सले झन्डै ११ लाख खोप खरिद प्रक्रिया अघि बढाएको सरकारको…

सैनिक ‘कु’ को विरोधमा म्यान्मारमा गरिएको प्रदर्शनका क्रममा प्रहरीले गोली चलाउँदा कम्तीमा १८ जनाको मृत्यु भएको छ । संयुक्त राष्ट्रसंघीय मानव अधिकार कार्यालयले १८ जनाको मृत्यु भएको पुष्टि गर्दै कम्तीमा ३० जना घाइते भएका जनाएको हो । यांगुन, दावेई र म्यान्डलेमा गरिएका प्रदर्शन दबाउन प्रहरीले आइतबार अत्यधिक बल प्रयोग गरेको जनाइएको छ । त्यसक्रममा प्रहरीले गोली, अश्रुग्यास, लाठी तथा पानीका फोहोरा हानेको बीबीसीले उल्लेख गरेको छ । म्यान्मारमा फेब्रुअरी १ मा सेनाले सत्ता हत्याएपछि विरोधमा दिनहुँ प्रदर्शन हुँदै आएको छ । तर आइतबार सुरक्षाकर्मीले गरेको दमन त्यसयताकै हिंसात्मक भएको जनाइएको छ । सामाजिक सञ्जालमा पोस्ट गरिएका दृश्यहरूमा प्रहरीले प्रदर्शनकारीलाई लखेटीलखेटी कुटेका र कैयौं मानिसहरू…

भारतीय प्रधानमन्त्री नरेन्द्र मोदीले कोरोना भाइरसविरुद्धको खोप लगाएका छन् । उनले सोमबार बिहान अखिल भारतीय आयुर्विज्ञान संस्थान (एम्स)मा पुगेर कोरोना भाइरसविरुद्धको खोपको पहिलो डोज लगाएका हुन् । मोदीले ट्वीट गर्दै आफूले कोरोनाविरुद्धको खोप लगाएको जानकारी दिएका छन् । मोदीले ट्विटरमा लेखेका छन्, ‘एम्समा कोभिड–१९ विरुद्धको खोपको पहिलो डोज लिएँ । हाम्रा चिकित्सक र वैज्ञानिकले कोभिड–१९ विरुद्धको वैश्विक लडाइँलाई मजबुत बनाउन तीव्र रुपमा काम गरिरहेको उल्लेखनीय छ ।’ उनले कोरोना खोप लगाउन योग्य सबैलाई खोप अभियानमा सहभागी हुन पनि उनले आग्रह गरेका छन्, ‘आऔँ सबै मिलेर भारतलाई कोभिड–१९ मुक्त बनाऔँ ।’ भारतमा सोमबारदेखि वरिष्ठ नागरिक, गम्भीर बिरामी र ४५ वर्षभन्दा बढी उमेरका व्यक्तिलाई कोरोना खोप…