Editor

प्रजापिता ब्रह्मा कुमारी धर्मशास्त्रीय विश्वविद्यालय जलपाईगुडी शाखाको तर्फबाट ८८औँ त्रिमूर्ति शिव जयन्ती तथा शिवरात्रिको अवसरमा शुक्रबार बिहान जलपाईगुडी सहरमा भव्य शोभायात्रा निकालिएको छ भने आज शिवजयन्ती तथा शिवरात्रिको अवसरमा केक काटिएको छ ब्रह्मा कुमारी ध्यान केन्द्रमा पनि कार्यक्रमको आयोजना गरिएको थियो । ब्रह्मा कुमारी केन्द्रको तर्फबाट जलपाईगुडीमा विश्व शान्तिको उद्देश्यले यो जुलुस निकालिएको थियो। नगरको शिल्पा समिति परा राजयोग ध्यान केन्द्रमा झण्डा फहराउनेलगायत जिल्लाभर विभिन्न कार्यक्रमको आयोजना गरिएको थियो । यस शोभायात्रामा जलपाईगुडी शिल्पसमितपारा प्रजापिता ब्रह्मा कुमारी ईश्वरीय विद्यालयका सयौं दाजुभाइ दिदीबहिनीहरू सहभागी भएका थिए। उनले शिवरात्रि आफूभित्र रहेका विकृति त्याग गर्ने पर्व भएको बताए । भगवान शिवले ब्रह्माण्डको रक्षा…

जलपाईगुडी जिल्ला प्रहरीद्वारा आज अन्तर्राष्ट्रिय महिला दिवस सम्मानपूर्वक मनाइयो। यस अवसरमा शुक्रबार जलपाईगुडी पुलिस लाइनमा एक कार्यक्रमको आयोजना गरिएको थियो। कार्यक्रममा विभिन्न क्षेत्रका सफल महिलाहरुलाई सम्मान गरिएको थियो ।यसका साथै विभिन्न योगदान पुर्याएका जिल्लाका महिला प्रहरी र नागरिक प्रहरीलाई पनि सम्मान गरिएको थियो । कार्यक्रममा जिल्ला अधिकारी शमा परवीन, प्रहरी उपरीक्षक उमेश गणपत खाँडबहालेलगायत प्रहरी अधिकृतहरुको उपस्थिति रहेको थियो ।

८ मार्चको अन्तर्राष्ट्रिय महिला दिवसको अवसरमा जलपाईगुडी सहरमा अन्तर्राष्ट्रिय महिला दिवस मनाउने समन्वय समितिले प्रभातफेरी आयोजना गरेको थियो। अझै पनि महिला बलात्कृत र यातनाको शिकार भइरहेका छन्, महिला सुरक्षाको माग प्रभातफेरीमार्फत उठाएको छ । महिला दिवस मनाउने समन्वय समितिले सन्देशखाली र मणिपुर जस्ता घटना दोहोरिन नदिनका लागि केन्द्र र प्रदेश सरकारले महिलाको संरक्षण गर्न माग गरेको छ । अन्तर्राष्ट्रिय नारी दिवस समारोह समन्वय संघले आयोजना गरेको प्रभातफेरीमार्फत समानता र समान अधिकारको सामाजिक तथा कानुनी दायरा विस्तार गर्न समाजका सबै वर्गलाई सक्रिय भूमिका खेल्न आह्वान गरिएको थियो ।

राजवंशी विद्यालयमा नियमअनुसार शिक्षक नियुक्ति नगरेको भन्दै अदालतमा मुद्दा परेको छ । कलकत्ता हाईकोर्टको जलपाईगुडी सर्किट बेन्चमा आज यस मुद्दाको सुनुवाइ भएको थियो। अदालतले यस विषयमा आगामी बिहीबारसम्म प्रतिवेदन माग गरेको छ । राजवंशी भाषा अकादमीका अध्यक्ष तथा राजवंशी नेता वंशिवदन बर्मनमाथि रातारात अस्तित्वहीन राजवंशी विद्यालयमा शिक्षक नियुक्त गरेको आरोप लागेको छ । यस सम्बन्धमा राजवंशी भाषा शिक्षा संसदले कलकत्ता हाईकोर्टको सर्किट बेन्चमा मुद्दा दायर गरेको छ। जस्टिस विश्वजित बोसको अदालतमा मुद्दाको सुनुवाइ भएको थियो। न्यायाधीशले राजवंशी भाषा प्रतिष्ठान तथा सांस्कृतिक बोर्डलाई आगामी बिहीबारसम्म सबै प्रकारका कागजात बुझाउन आदेश दिएको अधिवक्ता नवीन बारिकले जानकारी दिए ।