भुटानको पहाडबाट आएको पानीले अलिपुरद्वार जिल्ला डुबानमा – सिँचाइमन्त्री

केन्द्र सरकारले सकारात्मक भूमिका खेलेको छैन र भुटानसँग कुरा गरिरहेको छैन। भुटानले अवैध रूपमा पहाड काटिरहेको छ र त्यहाँबाट आउने पानीले अलिपुरद्वार जिल्लाको ठूलो क्षेत्रमा बाढी आएको छ। भुटान एक राज्य हो केन्द्र सरकारले उनीहरूसँग कुरा गर्न सक्छ तर केन्द्र सरकारले उनीहरूसँग कुरा गरिरहेको छैन र कुनै सकारात्मक भूमिका खेलेको छैन। भुटान सिमानाको भ्रमण गरी बाढीको अवस्थाको निरीक्षण गरेपछि सिँचाइमन्त्रीले यस्तो बताएका हुन्। सिँचाइ मन्त्री पार्थ भौमिक उत्तर बंगालको बाढीको अवस्थाबारे जानकारी लिन अलिपुरद्वार पुगेका छन्। मंगलबार, मन्त्रीले पहिलो पटक अलिपुरद्वारको 1 ब्लकको जलदापारा नजिकैको शाल कुमारमा अवस्थित सिस्मरा नदीको तटबन्धको भ्रमण गरे। त्यसपछि मन्त्री काल्चिनी ब्लकतर्फ प्रस्थान गरेका थिए ।यस दिन मन्त्रीले अलिपुरद्वार जिल्लाको भुटान सीमामा रहेको गोबरजाडी पुल, बसरा नदीको बाँधको अवलोकन गरेका थिए।