अलिपुरद्वार जिल्लाको दलगाउँ वन टाउनशिपको मुन्सी लाइनमा जंगली हात्तीको मृत्युले बुधवार बिहान सम्पूर्ण क्षेत्रमा हलचल मच्चाएको छ। खेतको बिचमा हात्तीको शव देखेपछि स्थानीयले वन विभागलाई खबर गरेका थिए।
घटनाको जानकारी पाएलगत्तै जलदपारा राष्ट्रिय अभयारण्यका सहायक वन्यजन्तु संरक्षक देवदर्शन राई र अन्य वनकर्मीहरू मुन्सी लाइनमा पुगेर अवस्थाबारे जानकारी लिएका थिए।
हात्तीको मृत्युको वास्तविक कारण पत्ता लगाउन हात्तीको शव जलदपारा लगिएको वन विभागले जनाएको छ। मृत्युको वास्तविक कारण पोष्टमार्टम रिपोर्ट आएपछि थाहा हुनेछ ।
