राज्यमन्त्री अखिल गिरीले राष्ट्रपति द्रौपदी मुर्मुबारे गरेको अभद्र टिप्पणीको विरोधमा उत्तर दिनाजपुर जिल्लाको रायगञ्जमा आदिवासी संगठन ‘भारत जकातमाझी परगना’ ले राष्ट्रिय राजमार्ग अवरुद्ध गरेको छ । आन्दोलनरत आदिवासी नेताहरुले आरोपित मन्त्रीलाई तत्काल निष्कासन गर्न माग गरेका छन् । उनीहरुले सडक अवरुद्ध गर्नुका साथै अभियुक्त मन्त्री अखिल गिरीको पुत्ला समेत जलाए ।
जनजाति संगठन भारत जकात मांझी परगनाका जिल्ला सेक्रेटरी ट्वील मुर्मुले भने, “हाम्रो समाजकी एउटी धर्मनिरपेक्ष महिला देशको राष्ट्रपति बनेकी छिन्, राज्यमन्त्री अखिल गिरीले महिला राष्ट्रपतिमाथि अभद्र टिप्पणी गरेका छन् । त्यसविरुद्ध हाम्रो आन्दोलन जारी छ ।
उनले आरोपित मन्त्रीलाई तत्काल राज्य मन्त्रिपरिषद्बाट निष्कासन गर्न माग गरेका छन् । अर्कोतर्फ, सडक अवरुद्धका कारण रायगञ्ज सहरको सिलगढी टर्नमा रहेको राष्ट्रिय राजमार्ग नम्बर ३४ मा भारी जामको समस्या भएको छ । तर, प्रदर्शनकारीले एक घण्टापछि ब्यारिकेड हटाएका थिए ।
