बलिउडका यी ‘आइडल’ जोडीको सम्बन्धविच्छेदको खबरले उनका फ्यान चकित र दुःखी छन् ।
किरण आमिरकी दोस्रो श्रीमति हुन् । दुवैको प्रेमकथा एक फोनबाट सुरु भएको थियो । आमिर र किरणको पहिलो भेट फिल्म ‘लगान’को सेटमा भएको थियो ।
एक अन्तरवार्तामा आमिरले किरणसँगको भेटका बारेमा बोलेका छन् । ‘मैले किरणलाई सन् २००१ मा फिल्म ‘लगान’को समयमा भेटेको थिएँ । उनी एक सहायक निर्देशक थिइन् । त्यो समयमा उनी र मबीच कुनै सम्बन्ध थिएन । उनी युनिटको सदस्य थिइन् । रीना दत्त(पहिलो श्रीमति)सँग अलग्गिएको केही समय पछि मैले किरणलाई भेटें,’ आमिरले भनेका छन् ।
आमिरका अनुसार उनलाई किरणको फोन आएको थियो र उनीसँग एक घण्टा गफ गरेका थिए । ‘मैले फोन राखेपछि ममा उनीसँग कुराकानी गर्दा खुशीपनको अनुभव भयो । त्यही बेलादेखि मलाई किरणसँग फोनमा कुराकानी गर्दा मलाई खुशी महशुस भइरहेको अनुभव हुन्थ्यो’, उनले भनेका छन् ।
आमिर कठोर महिला मनपराउछन् । उनको अनुभवमा पहिलो श्रीमति रीना र दोस्रो श्रीमति किरण उनका लागि कठोर महिला हुन् । रीनासँग सम्बन्धविच्छेद पछि पनि आमिरको उनीसँग राम्रो सम्बन्ध छ । रीना र आमिर पानी फाउण्डेसनमा सँगै काम गर्छन् । जहाँ रीना सीआईआई छिन् ।
रीना र आमिरकोबाट दुई सन्तान आयरा र जुनैद खान छन् । दुवै रीनासँग बस्छन् । किरण र आमिरले सन् २००५ को डिसेम्बर २८ मा विवाह गरे । सन् २०११ मा सरोगेसीका माध्यमले छोरा आजादको जन्म भयो ।
