वन विभागले राखेको खोरमा फेरि चितुवा पक्राउ परेको छ । बिहीबार फलकाटाको दलगाउँ चिया बगानको ब्लक नम्बर चारमा राखिएको खोरमा स्थानीयवासीले चितुवा फेला पारेका हुन् । तत्काल वन विभागलाई खबर गरेपछि वन विभागका अधिकारीहरु घटनास्थलमा पुगेर उनलाई लिएर गए । अहिले चितुवालाई दक्षिण खैरबारी बाघ पुनस्र्थापना केन्द्रमा राखिनेछ ।खोरमा राखिएको चितुवालाई स्थानीयवासीले केही राहत पाए पनि पिँजडामा राखेको चितुवा मानवभक्षी हो कि होइन भन्नेमा आशंका छ । त्यसैले उनले वन विभागसँग सतर्कता बढाउन पनि माग गरेका छन् । यसअघि पनि यहाँबाट चितुवा पक्राउ परेका छन् ।
