प्रमुख दूरसञ्चार प्रदायक, भोडाफोन आइडिया (Vi), ले पश्चिम बंगालमा आफ्नो ५G सेवा क्षेत्रलाई विस्तार गर्दै मालदा, हल्दिया र बर्हमपुरमा नयाँ सेवाहरू सञ्चालन थालेको छ। साथै, कम्पनीले आगामी जुन महिनासम्म गान्तोक र दार्जिलिङसहित सात अन्य शहरहरूमा पनि ५G कनेक्टिभिटी सुरु गर्ने योजना बनाएको छ। कम्पनीले औद्योगिक, व्यावसायिक र पर्यटन-संचालित बजारहरूमा नेटवर्क उपस्थिति सुदृढ गर्ने रणनीतिको एक भागको रूपमा विस्तारको अर्को चरणमा दुर्गापुर, आसनसोल, हाबडा-अशोकनगर, बर्दवान, खड़गपुर, गान्तोक र दार्जीलिंगलाई समेट्ने बताएको छ। वी ले यसअघि कोलकाता र सिलगढ़ीमा ५G सेवाहरु सुरु गेरको थियो।
कम्पनीका अनुसार, यो रोलआउट उच्च डेटा खपत र द्रुत डिजिटल वृद्धि देख्ने प्रमुख बजारहरूमा केन्द्रित छ। विस्तार योजना अन्तर्गत दुर्गापुर र आसनसोल जस्ता औद्योगिक केन्द्रहरू, हल्दिया जस्ता व्यावसायिक केन्द्रहरू र दार्जीलिंग र गान्तोक लगायतका पर्यटन स्थलहरूलाई प्राथमिकता राखीएको छ। भोडाफोन आइडियाका कोलकाता, शेष बंगाल, असम र उत्तर-पूर्वका व्यापार प्रमुख सोवन मुखर्जीले भने कि कम्पनीले उच्च माग भएका स्थानहरूमा सुधारिएको कनेक्टिभिटी र बृद्धि भएको प्रयोगकर्ता अनुभव सुनिश्चित गर्न आफ्नो ५G नेटवर्कको विस्तारलाई तीव्र गतिमा बढाइरहेको छ।
