आईआईएमए भेन्चर्स र SAP को साझेदारीमा ‘नर्थ ईस्ट ग्रोथ ल्याब’ (NEGL) औपचारिक रूपमा सुरु गरिएको छ, जसको उद्देश्य भारतको उत्तरपूर्वका आठे राज्यहरू, असम, अरुणाचल प्रदेश, मणिपुर, मेघालय, मिजोरम, नागाल्याण्ड, त्रिपुरा, र सिक्किम, मा नवप्रवर्तन, उद्यम विकास, र समावेशी विकास प्रवर्द्धन गर्नु हो। यो पहल विश्व बैंकको समर्थनमा सञ्चालन गरिएको ‘असम एग्रिविजनेस ग्रोथ ल्याब’ (AAGL) को सफलतामा आधारित छ र आगामी तीन वर्षमा ९० भन्दा बढी स्टार्टअप र सामाजिक उद्यमहरूलाई सहयोग पुर्याउने लक्ष्य राखिएको छ।
कार्यक्रममा अनुदान र परिवर्तनीय ऋण जस्ता प्रेरक पूँजी, तालिम, विशेष सल्लाह, र बजार पहुँच प्रदान गरिनेछ ताकि उच्च सम्भावना भएका उद्यमहरू विकास गर्न सक्षम होउन। आईआईएमए भेन्चर्सको उद्यमशिलता प्रवर्द्धनमा अनुभव र SAP को नवप्रवर्तनप्रति प्रतिबद्धतालाई प्रयोग गर्दै NEGL ले उत्तरपूर्व क्षेत्रमा महत्त्वपूर्ण आर्थिक प्रभाव पार्ने अपेक्षा गरिएको छ। यो कार्यक्रमले आगामी पाँच वर्षमा ५ लाखभन्दा बढी व्यक्तिहरू, विशेषगरी आर्थिक रूपमा कमजोर र निम्न मध्यम आय वर्गका नागरिकहरूलाई प्रत्यक्ष फाइदा पुर्याउनेछ।
साथसाथै, यो पहलले १० वटा उच्च सम्भावना भएका स्टार्टअपलाई सिरिज ए लगानीतर्फ उन्मुख गराउने लक्ष्य राखेको छ। NEGL. ले उत्तरपूर्वका स्टार्टअपहरूलाई उत्प्रेरणा, तीव्र वृद्धिका लागि सहयोग, र वित्तीय समर्थन प्रदान गर्ने प्लेटफर्मको रूपमा कार्य गर्नेछ। कार्यक्रमअन्तर्गत प्रत्येक वर्ष ‘स्टार्टअप आउटरीच’, लगानी प्रस्तुति दिवसहरू (डेमो डेज), र सीप विकास शिविर (क्यापेसिटी बिल्डिङ बुटक्याम्प) जस्ता वातावरण निर्माण गर्ने गतिविधिहरू आयोजना गरिनेछन्, जुन उत्तरपूर्व भारत र ठूला महानगरहरूमा सञ्चालन हनेछ। साथै NABARD, NEDFI, NEHHDC, NERAMAC, र उत्तरपूर्व विकास मन्त्रालय (mDoN-ER) जस्ता संस्थाहरू सँग सहकार्य गरिनेछ।
