भारतको सबैभन्दा ठूलो उपभोक्ता इलेक्ट्रोनिक्स ब्रान्ड सामसुङले आफ्नो ‘सल्भ फर टुमारो’ पहलको चौथो संस्करण सार्वजनिक गरेको छ। यो विद्यार्थीहरूलाई प्रविधिको प्रयोगमार्फत समाजका जटिल र महत्वपूर्ण चुनौतीहरूको समाधान खोज्न उत्प्रेरित गर्ने उद्देश्य लिएको राष्ट्रव्यापी प्रतियोगिता हो। यो पहिचानले त्यस्ता समाधानहरूको महत्वलाई उजागर गर्दछ, जसले केवल प्रतियोगितामै उत्कृष्टता हासिल गर्ने मात्र होइन, त्यसभन्दा पृथक रूपमा व्यवसायिक रूपमा विस्तारयोग्य र दिगो परियोजनाका रूपमा रूपान्तरण हुन सक्छन्। यस्ता परियोजनाहरूले भारतभरिका समुदायहरूलाई रूपान्तरण गर्न महत्वपूर्ण भूमिका खेल्ने अपेक्षा गरिएको छ।
छ महिनासम्म सञ्चालन हुने यस कार्यक्रमले १४ देखि २२ वर्ष उमेर समूहका विद्यार्थीहरूलाई व्यक्तिगत रूपमा वा समूहमा प्रविधिसम्बन्धी आफ्ना विचारहरू पेश गर्न आमन्त्रित गर्दछ। ‘सल्भ फर टुमारो’ मार्फत हामी भारतका हरेक कुनामा रहेका युवा नवप्रवर्तकहरूलाई ठूलो सपना देख्न, वास्तविक जीवनका चुनौतीहरू समाधान गर्न र प्रविधिको माध्यमबाट अझ बौध्विक र समावेशी भविष्य निर्माण गर्न प्रेरित गरिरहेका छौं। यस वर्ष, सोल्भ फर टुमरो अझ ठूलो र समावेशी बन्नेछ।
हामी अझ धेरै शहरहरूमा पुग्दैछौं, धेरैभन्दा धेरै विद्यालय र महाविद्यालयका विद्यार्थीहरूलाई सहभागी गराउँदैछौं र उनीहरूलाई नवप्रवर्तन गर्न डिजाइन थिंकिङका सिद्धान्तहरू लागू गर्ने अवसरहरू सिर्जना गर्दैछौं। सल्भ फर टुमारो हाम्रो अटल प्रतिबद्धताको प्रतीक हो, जुन भारत सरकारको अग्रणी डिजिटल इन्डिया अभियानलाई समर्थन गर्दै हाम्रा युवाहरूलाई भविष्यका योजनाकार बन्न सशक्त बनाउँछ,” सामसुङ साउथवेस्ट एशियाका अध्यक्ष तथा मुख्य कार्यकारी अधिकारी जेबी पार्कले भने।
